Aktualitet

Dëbora dhe reshjet vështirësojnë qarkullimin rrugor/ Policia apel qytetarëve:Jini vigjilent dhe përdorni pajisjet dimërore

Sipas policisë, në akset rrugore në zonat malore në qarqet Shkodër, Korçë, Kukës, Gjirokastër, Dibër, Rruga e Arbërit, Rruga e Kombit dhe Llogaraja, kërkohet përdorim të gomave dimërore dhe i zinxhirëve për të shmangur përfshirjen në ngjarje rrugore.

8 Janar 2026, 11:34 Nga D.S

Dëbora dhe reshjet vështirësojnë qarkullimin rrugor/ Policia

TIRANË- Policia e Shtetit ka reaguar në një njoftim zyrtar rreth reshjeve të dendura ditën e sotme në vendin tonë. Sipas policisë, në akset rrugore në zonat malore në qarqet Shkodër, Korçë, Kukës, Gjirokastër, Dibër, Rruga e Arbërit, Rruga e Kombit dhe Llogaraja, kërkohet përdorim të gomave dimërore dhe i zinxhirëve për të shmangur përfshirjen në ngjarje rrugore.

Uniformat blu bëjnë me dije se, vijon pastrimi i rrugëve dhe kriposja për të shmangur ngricat. Gjithashtu forcat policore njoftojnë se, Patrullat e Përgjithshme, “Shqiponjat” dhe Forcat Kombëtare të Sigurisë vijojnë të jenë në gatishmëri të plotë në terren për të ndihmuar qytetarët.

Njoftimi i policisë:

Policia e Shtetit

Për shkak të motit të keq me reshje shiu dhe së fundmi, në disa zona, me reshje dëbore, shërbimet e Policisë Rrugore, Patrullat e Përgjithshme, “Shqiponjat” dhe Forcat Kombëtare të Sigurisë vijojnë të jenë në gatishmëri të plotë në terren, për të menaxhuar qarkullimin e automjeteve në akset ku janë krijuar vështirësi dhe për të ndihmuar qytetarët.

Për shkak të reshjeve të borës dhe të mjegullës, është vështirësuar qarkullimi në disa akse rrugore në zonat malore.

Kujdes

 Akset rrugore në zonat malore në qarqet Shkodër, Korçë, Kukës, Gjirokastër, Dibër, Rruga e Arbërit, Rruga e Kombit dhe Llogaraja, kanë prezencë dëbore në rrugë.

Në këto akse është i detyrueshëm përdorimi i gomave dimërore dhe i zinxhirëve për të shmangur përfshirjen në ngjarje rrugore.

Shërbimet e Policisë Rrugore janë në terren dhe po bashkëpunojnë me firmat kontraktore të mirëmbajtjes së rrugëve, ku vijon pastrimi i rrugëve dhe kriposja për të shmangur ngricat.

Policia e Shtetit apelon për drejtuesit e mjeteve që të rrisin vigjilencën, të zbatojnë me rigorozitet rregullat e qarkullimit rrugor dhe udhëzimet e Policisë, si dhe të përdorin pajisjet dimërore në akset rrugore ku është e nevojshme.

 Në rast nevoje për ndihmë, telefononi në numrin pa pagesë 112.

#AngazhimPërkushtim
#PoliciaNëShërbiminTuaj
#Zbatonirregullateqarkullimitrrugor./Dosja.al

 

 

qarkullimi rrugor policia e shtetit apel qytetarëve

Sondazh

Poll

MË SHUMË