Aktualitet

Rrugët e Durrësit ‘pushtohen’ nga uji/ Vijojnë shkarkimet në hidrocentralet e Komanit dhe Vaut të Dejës, s'ka rrezik për përmbytje

Në Durrës rrugët pranë stadiumit të qytetit dhe te zona e 'Vollgës' janë nën ujë, duke shkaktuar vështirësi për qarkullimin e makinave dhe këmbësorëve.

6 Janar 2026, 08:29 Nga D.S
Rrugët e Durrësit ‘pushtohen’ nga uji/ Vijojnë
Foto ilustruese

DURRËS- Moti i keq ka përfshirë pjesën më të madhe të vendit duke shkaktuar përmbytje në disa segmente rrugore të vendit. Në Durrës rrugët pranë stadiumit të qytetit dhe te zona e 'Vollgës' janë nën ujë, duke shkaktuar vështirësi për qarkullimin e makinave dhe këmbësorëve.

Prurjet e paparashikueshme nga lumenjtë anësorë dhe reshjat kanë rritur gjithashtu nivelin e ujit në hidrocentralet e kaskadës së Drinit. Ndërkohë, mësohet se, vijojnë shkarkimet e ujit nga hidrocentralet e Komanit dhe të Vaut të Dejës.

Sipas të dhënave nga Bashkia Shkodër dhe Shtabi i Emergjencave në Prefekturë, nuk ka rrezik për përmbytje. Hidrocentrali i Fierzës ndodhet aktualisht në kuotën 280 metra, nga 296 metra që është kapaciteti maksimal i lejuar, duke vijuar operimin në parametra konstant. Po kryhet monitorim periodik i niveleve të lumenjve Drin e Bunë, si edhe i Liqenit të Shkodrës dhe këto kuota të  regjistruara deri në këto momente nuk paraqesin rrezik për përmbytje./Dosja.al 

 

permbytje

Sondazh

Poll

MË SHUMË