Bota

Nga 1 shtatori 2026, Franca ndalon rrjetet sociale për të miturit nën 15 vjeç / Projekligji që pritet të diskutohet në parlament

lani me dy nene do të ndalonte ofrimin, nëpërmjet një platforme online, të një shërbimi të mediave sociale për të miturit nën 15 vjeç nga 1 shtatori 2026.

31 Dhjetor 2025, 12:18 Nga D.S
Nga 1 shtatori 2026, Franca ndalon rrjetet sociale për të miturit
foto ilustruese

FRANCA- Qeveria franceze dëshiron të ndalojë mediat sociale për fëmijët nën 15 vjeç duke filluar nga viti shkollor 2026, sipas një projektligji të parë nga AFP, i cili pritet të debatohet së shpejti në parlament. Plani me dy nene do të ndalonte ofrimin, nëpërmjet një platforme online, të një shërbimi të mediave sociale për të miturit nën 15 vjeç nga 1 shtatori 2026.

“Studime dhe raporte të shumta identifikojnë rreziqet e ndryshme të shkaktuara nga përdorimi i tepërt i ekraneve dixhitale nga adoleshentët, ekspozimin ndaj përmbajtjes së papërshtatshme, ngacmimin kibernetik dhe çrregullimet e gjumit." shpjegon qeveria në dokument.

Sipas mediave të huaja, neni i parë i projektligjit hyn në kuadrin e ligjit për besimin në ekonominë dixhitale (LCEN) dhe i beson Arcom , autoritetit rregullator francez për transmetimet dhe komunikimet dixhitale, detyrën e zbatimit të këtij ndalimi. Në nenin e dytë , projektligji qeveritar dëshiron të zgjerojë ndalimin e përdorimit të telefonave celularë në shkollën e mesme. Një masë që është zbatuar tashmë nga kopshti deri në vitet e para të arsimit të mesëm me një ligj të vitit 2018, megjithëse ndonjëherë është e vështirë të zbatohet./Dosja.al 

franca ndalon perdorimin e rrjeteve sociale projektligji per aksesin e rrjeteve sociale nga te miturit france

Sondazh

Poll

MË SHUMË