Sport

Thellohet skandali i trukimit dhe basteve në Turqi, ish-zv.presidenti i Gallatasarajit mes 29 të arrestuarve!

Shifrat e përgjithshme të skandalit sugjerojnë një krizë sistemike: deri më sot, 1.500 persona janë implikuar, me pezullime që tashmë prekin gati 1.000 lojtarë dhe 150 gjyqtarë.

26 Dhjetor 2025, 18:42 Nga DOSJA

Thellohet skandali i trukimit dhe basteve në Turqi, ish-zv.presidenti i

TURQI - Nuk ka qetësi për Super Ligën dhe divizionet më të ulëta të futbollit turk edhe në festat e fundvitit.

Zyra e Prokurorit të Stambollit ka urdhëruar një bastisje të re që ka çuar në arrestimin e 29 personave, duke zgjeruar hetimin mbi skandalin e basteve që po trondit drejtuesit e sistemit lokal të futbollit.

Midis të arrestuarve janë 14 lojtarë aktualisht aktivë. Akuzat janë jashtëzakonisht të rënda: sipas hetuesve, futbollistët dyshohet se manipuluan rezultatet e ndeshjeve duke vënë bast për fitoren e ekipeve kundërshtare.

Ata ishin të përfshirë në një seri “transaksionesh të pazakonta financiare” të gjetura në llogaritë e tyre private.

Trazirat gjyqësore kanë arritur gjithashtu nivelet më të larta. Erden Timur, ish-zv.president i Galatasarayt, është arrestuar. Klubi verdhekuq nuk ka lëshuar ende ndonjë deklaratë zyrtare, por arrestimi i një figure kaq të shquar shënon një pikë pa kthim në hetim.

Shifrat e përgjithshme të skandalit sugjerojnë një krizë sistemike: deri më sot, 1.500 persona janë implikuar, me pezullime që tashmë prekin gati 1.000 lojtarë dhe 150 gjyqtarë.

B.T (Dosja.al)

Sondazh

Poll

MË SHUMË