Aktualitet

Rruga e Kombit e mbuluar nga mjegulla e dendur prej 30 ditësh! Autoritetet apel drejtuesve të lëvizin me KUJDES

Një mjegull e dendur dhe lagështi e shtuar kanë zvogëluar ndjeshëm shikueshmërinë në rrugë, duke kërkuar kujdes të shtuar nga drejtuesit e mjeteve.

25 Dhjetor 2025, 09:22 Nga M.L

Rruga e Kombit e mbuluar nga mjegulla e dendur prej 30 ditësh! Autoritetet

KUKËS- Tuneli i Kalimashit në Kukës, një nga segmentet më të frekuentuara të Rrugës së Kombit, po përballet prej gati një muaji me kushte të vështira të motit. Një mjegull e dendur dhe lagështi e shtuar kanë zvogëluar ndjeshëm shikueshmërinë në rrugë, duke kërkuar kujdes të shtuar nga drejtuesit e mjeteve.

Megjithatë, deri tani nuk janë regjistruar aksidente apo incidente serioze në këtë zonë. Autoritetet rrugore bëjnë thirrje për respektimin rigoroz të kufizimeve të shpejtësisë dhe përdorimin e dritave të mjegullës për të garantuar udhëtim të sigurt.

Parashikimet e motit paralajmërojnë se mjegulla mund të vazhdojë edhe në ditët e ardhshme, ndërsa priten reshje bore në zonën e kalimit kufitar. Drejtuesit e automjeteve këshillohen të planifikojnë udhëtimet me kujdes dhe të jenë të vëmendshëm ndaj ndryshimeve të motit./ Dosja.al

tuneli i kalimashit rruga e kombit mjegull e dendur ne kukes

Sondazh

Poll

MË SHUMË