Sport

Tragjedi në Mal të Zi... Futbollisti gjerman humb jetën pas rënies nga teleferiku!

Sebastian Hertner ra nga teleferiku dhe vdiq në vendngjarje, ndërsa gruaja e tij 30-vjeçare mbeti e bllokuar në karrige. Ajo u desh të shpëtohej nga shërbimet e urgjencës dhe pësoi një thyerje të këmbës.

24 Dhjetor 2025, 10:00 Nga DOSJA

Tragjedi në Mal të Zi... Futbollisti gjerman humb jetën pas

MALI I ZI - Ish-futbollisti ndërkombëtar gjerman, Sebastian Hertner, ka ndërruar jetë pasi ka rënë nga një teleferik në një vendpushim skish.

Gruaja e tij ishte dëshmitare e aksidentit në Mal të Zi, ndërsa Hertner ra nga një lartësi prej 70 metrash, shkruan Mirror. 

Hertner, 34 vjeç, vdiq në vendpushimin e skive Savin Kuk pranë qytetit malor të Zabljakut. Një teleferik me dy karrige u shkëput nga kablli i tij dhe u përplas me sediljen pas tij, sipas raporteve fillestare.

Hertner ra nga teleferiku dhe vdiq në vendngjarje, ndërsa gruaja e tij 30-vjeçare mbeti e bllokuar në karrige. Ajo u desh të shpëtohej nga shërbimet e urgjencës dhe pësoi një thyerje të këmbës.

Të paktën tre turistë të tjerë pretendohet se kanë mbetur të bllokuar në karriget e tyre për disa orë. Ekipet e shpëtimit arritën t’i zbrisnin këta njerëz në mënyrë të sigurt.

Ish-mbrojtësi gjerman ka përfaqësuar klube përfshirë 1860 Munich, Erzgebirge Aue dhe Darmstadt në divizionin e dytë. Hertner ishte kapiten i ETSV Hamburg në Oberliga, liga e pestë e Gjermanisë.

 
 
 
 
 
View this post on Instagram
 
 
 
 
 
 
 
 
 
 
 

A post shared by ETSV HH LIGA (@etsvhhliga)

B.T (Dosja.al)

Sondazh

Poll

MË SHUMË