Politike

Ajo që nuk u tha për Eni Vasilin në festivalin e Radio Televizionit Shqiptar!

Gazetarja e ikonë e medias shqiptare e cila tashmë mban postin e drejtores së RTSH, u ngjit në skenën e festivalit për t’i dorëzuar orkestrës legjendare të Radio Televizionit Shqiptar “Çmimin e Karrierës”, duke surprizuar audiencën, duke qenë se historikisht drejtuesëve të këtij institucioni jemi mësuar t’i dëgjojmë vetëm emrat.

23 Dhjetor 2025, 21:19 Nga E. D
Ajo që nuk u tha për Eni Vasilin në festivalin e Radio
Eni Vasili

TIRANË- Pak ditë pasi dritat e festivalit u fikën dhe vëmendja u zhvendos drejt komenteve dhe bilanceve të zakonshme, mbetën edhe disa detaje që kaluan pa u artikuluar sa duhet. Një prej tyre ishte prania e Eni Vasilit.

Gazetarja e ikonë e medias shqiptare e cila tashmë mban postin e drejtores së RTSH, u ngjit në skenën e festivalit për t’i dorëzuar orkestrës legjendare të Radio Televizionit Shqiptar “Çmimin e Karrierës”, duke surprizuar audiencën, duke qenë se historikisht drejtuesëve të këtij institucioni jemi mësuar t’i dëgjojmë vetëm emrat.

Megjithë diskrecionin që e ka karakterizuar përherë, është e pamundur të mos e cilësosh Eni Vasilin si një nga personazhet më elegantë që u ngjitën në skenën e festivalit këtë vit, duke dëshmuar madje se për të, vitet po ecin në drejtimin e kundërt.

Prania e saj e rafinuar dhe hijeshia në skenë që vjen si rezultat i profesionalizmit dhe vetëbesimit të ndërtuar ndër vite, nuk dominoi eventin, por i dha një prekje që i mungonte: një ndjesi klasi, autoriteti e qetësie, që duket se ka përfshirë jo vetëm festivalin, por të gjithë institucionin ku ndihet një frymë tërësisht e re.

Në një festival që këtë vit funksionoi me koherencë dhe standard, prania e saj u lexua si pjesë organike e këtij funksionimi. Jo si një moment më vete, por si një tregues i një pune të qëndrueshme dhe i një qasjeje që e njeh mirë televizionin si zanat.

eni vasili

Sondazh

Poll

MË SHUMË