Politike

A është përjashtuar Salianji nga PD? "Ça lidhje ka ai këtu? Bëri burg politik”, Berisha: Kaloi vijën e kuqe, nuk ka një vendim, por u vetëpërjashtua

Në një konferncë për mediat, Berisha u shpreh se Salianji nuk është përjashtuar përmes një vendimi të strukturave të partisë, por, sipas tij, është vetëvendosur jashtë PD-së për shkak të veprimeve që ai i cilësoi si tejkalim të vijave të kuqe.

23 Dhjetor 2025, 14:07 Nga M.L
A është përjashtuar Salianji nga PD? "Ça lidhje ka ai
Salianji-Berisha

TIRANA- Kryetari i Partisë Demokratike, Sali Berisha, ka komentuar situatën e Ervin Salianjit. Në një konferncë për mediat, Berisha u shpreh se Salianji nuk është përjashtuar përmes një vendimi të strukturave të partisë, por, sipas tij, është vetëvendosur jashtë PD-së për shkak të veprimeve që ai i cilësoi si tejkalim të vijave të kuqe.

Ai theksoi se çështja e Salianjit nuk ka lidhje me temën e diskutimit në atë moment, ku shtoi se çdo herë që do të pyetet për këtë temë, do të japë të njëjtin "qëndrim".

“Akoma mendja tek Salianji. Po ne këtu jemi për enciklopedinë e krimit që nuk është paraqitur kurrë. Po çfarë lidhje ka Salianji me këtë. Po Salianji ishte i burgosur politik kur u zhvilluan zgjedhjet. Çfarë do të thotë kjo? Sot është një njeri që ka kaluar linjat e kuqe. E kam thënë kur i ka kaluar linjat e kuqe. Kemi ca linja të kuqe. Jo, nuk ka një vendim, ka vetpërjashtuar veten. Sa herë të pyesni, këtë përgjigje do merrni. Po i kalove linjat e kuqe, i kalon”, tha Berisha.

sali berisha ervin salianji

Sondazh

Poll

MË SHUMË