Sipas SPAK, ish-prokurori Kledian Llaho po hetohet për veprën penale të korrupsionit, ndërsa Çlirim Shahini, i cili pas largimit nga sistemi ushtron profesionin e avokatit, akuzohet për ushtrim të ndikimit të paligjshëm.
SARANDË- Prokuroria e Posaçme kundër Korrupsionit dhe Krimit të Organizuar ka nisur zyrtarisht komunikimin e akuzave ndaj dy ish-prokurorëve të Sarandës, të dyshuar për përfshirje në një skemë korrupsioni të lidhur me ndërhyrje në proceset gjyqësore.
Sipas SPAK, ish-prokurori Kledian Llaho po hetohet për veprën penale të korrupsionit, ndërsa Çlirim Shahini, i cili pas largimit nga sistemi ushtron profesionin e avokatit, akuzohet për ushtrim të ndikimit të paligjshëm. Hetimi lidhet me një çështje penale ndaj Pando Papuçit, i shpallur më herët në kërkim për ndërtim pa leje.
Nga të dhënat hetimore rezulton se Papuçi kishte arritur t’i shmangej drejtësisë për rreth dy vite, por pas arrestimit, masa e sigurisë ndaj tij u ndryshua brenda një kohe shumë të shkurtër gjatë seancës gjyqësore, me kërkesë të prokurorisë. SPAK dyshon se pas këtij zhvillimi qëndronte një marrëveshje e paligjshme, ku ish-prokurorët kërkuan përfitime financiare për të ndikuar në zbutjen e masës së sigurimit.
Sipas akuzës, një pjesë e parave janë marrë përmes ndërmjetësimit të biznesmenit Vasil Bakalli, i cili dyshohet se ka shërbyer si sekser. Hetimet tregojnë se pagesat janë kryer jashtë vendit, ndërsa shuma totale e përfituar për këtë ndërhyrje dyshohet se arrin në dhjetëra mijëra euro.
Ndërkohë, Gjykata e Apelit ka arritur në përfundimin se Pando Papuçi nuk kishte konsumuar vepër penale për ndërtim pa leje, duke rrëzuar bazën e procedimit penal ndaj tij. Ky vendim ka ngritur pikëpyetje serioze mbi mënyrën e nisjes dhe ndjekjes së çështjes nga organet e akuzës në Sarandë.
Në këtë dosje, nën hetim ndodhet edhe biznesmeni Bakalli, ndërsa për gjyqtaren që miratoi masën e sigurimit nuk janë gjetur prova penale. Kujtohet se më herët, Kolegji i Posaçëm i Apelimit e kishte shkarkuar nga detyra Kledian Llahon, për probleme serioze në deklarimin e pasurisë dhe mangësi profesionale./ Dosja.al
Maks Haxhia TIRANA- Avokati Maks Haxhia është paraqitur këtë të martë në Prokurorinë e Posaçme Kund&eum...
Sherri, efektivi i palgosur VLORË- Tre persona u arrestuan nga Policia e Vlorës pas një episodi dhune gjatë kontrolleve për l...
Ndodh shpesh kur ushqimi më shumë se nevojë na bëhet pjesë e ritmit të ditës sonë. Si një ndalesë e paplanif...
Protesta ITALI- Media italiane SKY Tg24 i ka kushtuar një artikull protestës së Opozitës mbrëmjen e kaluar në Tiran...
Foto nga vendngjarja VLORË- Mbledhja e sotme e Këshillit Bashkiak të Vlorës u zhvillua me tensione, pasi shoferët e autobus&e...
KUKËS- Një pamje e pazakontë është regjistruar mëngjesin e sotëm në Kukës, ku një arushë e rritur u shf...
Foto nga protesta TIRANA- Policia e Tiranës ka vënë në pranga katër persona dhe ka nisur procedimin penal ndaj shtatë t...
Gentian Malotaj LEZHA- Gjykata e Apelit ka ndryshuar dhe ashpërsuar masat e sigurisë për disa persona të përfshirë n&eum...
Shoqata Kombëtare e Gjyqtarëve të Republikës së Shqipërisë i drejtoi Këshillit të Lartë Gjyqësor të...
Foto nga protesta TIRANA- Policia e Shtetit ka arrestuar katër persona dhe ka nisur procedim penal në gjendje të lirë ndaj gjasht&...