Aktualitet

Plagosën me armë Amarildo Cenën e Sadik Kapicën në Kukës! Vetëdorëzohen vëllezërit Ndriçim e Fatri Iseberi, ja si nisi konflikti

Hetimet tregojnë se dy vëllezërit ishin përfshirë në një konflikt fizik me shtetasin Sadik Kapica, 65 vjeç, për motive të dobëta, në zonën e njohur si “Dëshmorët”.

22 Dhjetor 2025, 10:52 Nga M.L
Plagosën me armë Amarildo Cenën e Sadik Kapicën në
Foto ilustruese

KUKËS- Policia e Kukësit ka vijuar kontrollet intensive dhe veprimet hetimore për dokumentimin e plotë të rrethanave të një ngjarjeje të ndodhur një ditë më parë, si dhe për kapjen e dy autorëve të dyshuar, të cilët ishin shpallur në kërkim.

Siipas njoftimit të bluve, në pamundësi për tu larguar, dy vëllezërit e shpallur në kërkim, Ndriçim e Fatri Iseberi kanë vendosur të vetëdorëzohen pranë autoriteteve.

Hetimet tregojnë se dy vëllezërit ishin përfshirë në një konflikt fizik me shtetasin Sadik Kapica, 65 vjeç, për motive të dobëta, në zonën e njohur si “Dëshmorët”.

Gjatë përplasjes, Ndriçim Iseberi dyshohet se e ka goditur Kapicën me qytën e një arme zjarri. Nga pakujdesia, gjatë incidentit është plagosur rëndë edhe shtetasi Amarildo Cena, 36 vjeç, i cili nuk kishte lidhje me konfliktin.

Njoftimi:

Policia e Kukësit ka vijuar veprimet hetimore dhe kontrollet për dokumentimin e rrethanave të ngjarjes së ndodhur ditën e djeshme dhe për kapjen e 2 autorëve të dyshuar të shpallur në kërkim.

Si rezultat i kontrolleve të Policisë dhe nga pamundësia për t’u larguar, 2 vëllezërit e shpallur në kërkim për këtë ngjarje, janë vetëdorëzuar.

Në vijim të veprimeve procedurale, pas komunikimit me prokurorin e gatshëm, specialistët për Hetimin e Krimeve të Rënda arrestuan shtetasin N. I., 38 vjeç, dhe referuan materialet në Prokurori ku filloi procedimi në gjendje të lirë për vëllanë e tij, shtetasin F. I., 39 vjeç, banues në Kodër Lumë.

Këta dy shtetas janë konfliktuar fizikisht me shtetasin S. K., 65 vjeç, për motive të dobëta, dje, në vendin e quajtur “Dëshmorët”. Gjatë konfliktit, shtetasi N. I. e ka goditur me qytën e pistoletës shtetasin S. K., si dhe ka plagosur rëndë nga pakujdesia, shtetasin A. C., 36 vjeç, i cili nuk ishte i përfshirë në konflikt.

Në cilësinë e provës materiale u sekuestrua arma e zjarrit e dyshuar përdorur në ngjarje.

Materialet procedurale shtesë iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës./ Dosja.al

policia e kukësit ndriçim e fatri iseberi

Sondazh

Poll

MË SHUMË