Sport

Kylian Mbappé, pasi shënoi: "Doja të festoja si Ronaldo, për t'ia dedikuar atij këtë gol"...

Duke shënuar golin e tij të 59-të në vitin 2025 me Real Madridin, Kylian Mbappé është barazuar me Cristiano Ronaldon, i cili arriti të njëjtin total në vitin 2013. Goli i tij kundër Seviljes u festua në të njëjtën mënyrë si idhulli i tij.

21 Dhjetor 2025, 08:00 Nga DOSJA

Kylian Mbappé, pasi shënoi: "Doja të festoja si Ronaldo,

SPANJE - Lidhja me Cristiano Ronaldon u shtri edhe në festën, të njohur për të gjithë dhe të huazuar nga ylli portugez.

Duke shënuar një penallti këtë të shtunë në mbrëmje kundër Seviljes (2-0) për herë të 59-të në vitin 2025, Kylian Mbappé barazoi rekordin për gola në një vit kalendarik te Real Madrid, i mbajtur më parë nga "CR7", i cili e arriti atë në vitin 2013.

“Është një ditë e veçantë, është ditëlindja ime (27 vjeç) dhe rekordi është i pabesueshëm. Ta arrij këtë në vitin tim të parë (të plotë), si idhulli im, lojtari më i mirë në historinë e Real Madridit, një legjendë në botën e futbollit…” tha Mbappé për Real Madrid TV, duke shprehur kënaqësinë e tij për ngjarjet e mbrëmjes.

Pasi gjeti rrjetën në fund të ndeshjes nga pika e penalltisë, francezi i bëri homazh paraardhësit të tij. Një “përkulje koke” e qëllimshme, sipas tij, sepse Ronaldo “ishte gjithmonë shumë i sjellshëm me mua, duke më ndihmuar të përshtatem me Real Madridin; folëm shumë”.

“Kam festimin tim, por doja ta bëja si ai për t’ia dedikuar këtë gol atij. Kam një marrëdhënie shumë të mirë me të”, shtoi Mbappé, përpara se t’u uronte “Gëzuar Krishtlindjet të gjithë tifozëve të Real Madridit”. Që kur mbërriti në Madrid në verën e vitit 2024, kapiteni francez ka shënuar 73 gola në 83 paraqitje.

B.T (Dosja.al)

Sondazh

Poll

MË SHUMË