Sport

Eddie Howe i frustruar nga "penalltia" që nuk iu dha Newcastles kundër Chelseat...

Trajneri i Newcastle, Eddie Howe, u ankua për një penallti që ai e konsideroi "të padiskutueshme" nuk iu dha ekipit të tij kundër Chelseat (2-2) të shtunën në Premier League.

20 Dhjetor 2025, 18:45 Nga DOSJA

Eddie Howe i frustruar nga "penalltia" që nuk iu dha Newcastles

ANGLI - "Mendoj se ishte qartësisht një penallti." Eddie Howe nuk i kurseu fjalët dhe as nuk e fshehu hidhërimin e tij në një intervistë me TNT Sports, menjëherë pas barazimit 2-2 të Newcastle kundër Chelsea të shtunën.

‘Magpies’ kishin udhëhequr me dy gola gjatë ndeshjes dhe mund të kishin marrë një penallti për një faull të Trevoh Chalobah ndaj Anthony Gordon në zonën e penalltisë së Chelseat në mes të pjesës së dytë.

Një kontakt mjaft i qartë ndodhi menjëherë pasi Chelsea kishte ngushtuar diferencën (2-1, minuta e 50-të), megjithatë nuk u sinjalizua nga ekipi i gjyqtarëve. 

"Ishte një penallti e pamohueshme. Kudo tjetër në fushë, do të kishte qenë një goditje dënimi. Lojtari i ndërhyri Anthonyt në mënyrë agresive, shumë agresive sipas mendimit tim, kështu që mendoj se është një faull i pastër", shtoi Howe, qartësisht i frustruar nga vendimi.

Qendra e VAR-it e Premier League sugjeroi që kontakti i Chalobah me Gordon u konsiderua "lateral në një veprim mbrojtës" dhe se topi ishte "brenda rrezes së lojës".

Ky shpjegim u hodh poshtë kategorikisht nga Howe, i cili megjithatë kritikoi gjithashtu lojtarët e tij për performancën e tyre të dobët në pjesën e dytë: "Jo, nuk është ky rasti. Mendoj se mbrojtësi po shikonte vetëm Anthony-n, jo topin, dhe mendoj se kjo ishte shumë agresive."

Trajneri i Chelseat, Enzo Maresca, këmbënguli se nuk e konsideronte situatën si penallti, por ishte i lumtur të merrte një pikë në këto rrethana. "Mendoj se nuk ka shumë ekipe që, duke qenë 2-0 në disavantazh në pjesën e parë, kundër kësaj skuadre në këtë stadium, mund të rikthehen nga disavantazhi", tha ai.

B.T (Dosja.al)

Sondazh

Poll

MË SHUMË