Sport

VIDEO/ Conceiçao dhe Openda mposhtin Romën: Juvja afrohet në vendin e katërt!

Me nga një gol në secilën pjesë, Juvnetusi mund 2-1 Romën dhe u zhvendosën në -1 në renditje. Baldanzi shënoi golin për skuadrën romake.

20 Dhjetor 2025, 22:56 Nga DOSJA

VIDEO/ Conceiçao dhe Openda mposhtin Romën: Juvja afrohet në

ITALI - Në ndeshjen e madhe të javës së 16-të të Serie A, Juventusi mundi 2-1 Romën, duke iu afruar vetëm një pike larg vendit të katërt të verdhekuqve.

Pjesa e parë në stadiumin Allianz u ndez vetëm drejt fundit, kur Conceiçao u afrua për herë të parë me shënim në minutën e 43-të (një pritje e shkëlqyer nga Svilar) dhe më pas gjeti rrjetën menjëherë pas me një gjuajtje të saktë diagonale.

Pjesa e dytë ishte shumë më argëtuese, me ekipin vendas që filloi fuqishëm, duke sulmuar Romën dhe duke dyfishuar epërsinë e tyre në minutën e 70-të me golin e parë të Openda në Serie A: Svilar priti goditjen me kokë të McKennie, amerikani e rikuperoi topin dhe e çoi belgun, i cili nuk gaboi në portë.

Në minutën e 75-të, Baldanzi e ngushtoi diferencën, duke arritur i pari te topi i rikuperuar nga Di Gregorio, i cili bëri mirë që ia priti Ferguson. Romakët provuan gjithçka, por u afruan me shënimin në minutën e 80-të kur shtylla ia mohoi Yildiz gëzimin e një goli.

B.T (Dosja.al)

Sondazh

Poll

MË SHUMË