Bota

EMRI-FOTO/ Vizita e zakonshme në spital përfundon në TRAGJEDI! 64-vjeçari humb jetën pas rrëzimit aksidental në ambientet e jashtme

Sipas mediave vendase, Guddo po zbriste një rampë në ambientet e jashtme të spitalit kur humbi ekuilibrin dhe ra, duke pësuar dëmtime të rënda. Ai u transportua për trajtim mjekësor, por gjendja e tij u përkeqësua.

20 Dhjetor 2025, 20:11 Nga M.L
EMRI-FOTO/ Vizita e zakonshme në spital përfundon në TRAGJEDI!
Giovanni Guddo

ITALI- Një vizitë e thjeshtë në spital u shndërrua në tragjedi për familjen e Giovanni Guddo, një murator 64-vjeçar nga Sicilia. Ai humbi jetën në spitalin “Villa Sofia” në Palermo pas një rrëzimi aksidental, ndërsa po shoqëronte bashkëshorten e tij për një kontroll mjekësor.

Sipas mediave vendase, Guddo po zbriste një rampë në ambientet e jashtme të spitalit kur humbi ekuilibrin dhe ra, duke pësuar dëmtime të rënda. Ai u transportua për trajtim mjekësor, por gjendja e tij u përkeqësua.

Familjarët e tij kanë ngritur shqetësime për vonesën e vlerësimit nga një neurokirurg, që sipas tyre u krye vetëm pas më shumë se nëntë orësh, kur situata ishte kritike. Pas një jave në spital, 64-vjeçari ndërroi jetë.

Ngjarja ka ndodhur të enjten, më 13 nëntor. Sipas familjarëve, zona ku ndodhi rrëzimi nuk ishte në kushtet optimale dhe mungonte sinjalistika e nevojshme për rrezikun. Ky fakt është pjesë e hetimit zyrtar që ka nisur menjëherë nga Zyra e Prokurorit.

Institucioni ka hapur një procedim penal për të zbardhur rrethanat e ngjarjes dhe për të përcaktuar nëse ka përgjegjësi nga personeli apo struktura e spitalit. Autopsia mbi trupin e viktimës është kryer, ndërsa rezultatet e analizave toksikologjike dhe histologjike pritet të dalin brenda dy muajve.

Familja e të ndjerit kërkon të kuptojë nëse vdekja ishte pasojë e një aksidenti të pashmangshëm apo ndikimi i mundshëm i vonesës në trajtimin mjekësor ka luajtur rol vendimtar në këtë tragjedi./ Dosja.al

giovanni guddo

Sondazh

Poll

MË SHUMË