Aktualitet

PAMJE TË RËNDA nga aksidenti fatal në Tapizë! "Audi" me shpejtësi skëterrë i merr jetën të moshuarit, trupi i viktimës ndahet copa-copa në rrugë pas përplasjes

Sipas të dhënave paraprake, i moshuari, me iniciale N.Z., u përplas nga një mjet tip “Audi”, ndërsa përplasja ka qenë tepër e fortë, duke i shkaktuar vdekjen e menjëhershme në vend.

16 Dhjetor 2025, 20:42 Nga M.L
PAMJE TË RËNDA nga aksidenti fatal në Tapizë!
Makina e aksidentuar

FUSHË KRUJË- Një aksident fatal u regjistrua mbrëmjen e sotme në aksin rrugor Tapizë–Fushë Krujë, ku një 62-vjeçar humbi jetën pasi u godit nga një automjet që drejtohej nga 19-vjeçari Kleo Malja.

Nga fotot e publikuara, shihet trupi i viktimës ende në rrugë, i cili është bërë copash nga përplasja e fortë.

PAMJE TË RËNDA nga aksidenti fatal në Tapizë!

Në pamjet nga vendngjarja duken dëme të mëdha materiale, ndërsa automjeti ka pësuar shkatërrime të rënda në pjesën e përparme.

PAMJE TË RËNDA nga aksidenti fatal në Tapizë!

Shkak i aksidentit dyshohet të ketë qenë shpejtësia tej normave e mjetit që drejtohej nga i riu. Pas ngjarjes, drejtuesi i automjetit është shoqëruar në komisariat për veprime të mëtejshme procedurale.

Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave të aksidentit, ndërsa ende nuk ka informacion zyrtar mbi gjendjen shëndetësore të 19-vjeçarit.

NJOFTIMI: 

Krujë/Informacion paraprak.

Rreth orës 18:45, në aksin rrugor Tapizë-Fushë Krujë, automjeti me drejtues shtetasin K. M., rreth 19 vjeç, ka aksidentuar këmbësorin shtetasin N. Z, rreth 62 vjeç, i cili për pasojë ka humbur jetën.

Drejtuesi i automjetit është shoqëruar në Komisariat, për veprime të metejshme procedurale.

Grupi hetimor ndodhet në vendngjarje dhe po punon për sqarimin e rrethanave të aksidentit/ Dosja.al

kleo malja aksident ne fushë kruje

Sondazh

Poll

MË SHUMË