Bota

Moska ngre padi prej 230 miliardë dollarësh kundër Euroclear për asetet ruse/ Kremlin: Do të jetë makth ligjor për BE

Bashkimi Evropian dëshiron të përdorë asetet e bankës qendrore ruse me vlerë gati 210 miliardë euro , të ngrira në Evropë që nga pushtimi i Ukrainës nga Moska në vitin 2022, për të mbështetur një kredi për nevojat ushtarake dhe civile të Kievit në vitet 2026 dhe 2027.

15 Dhjetor 2025, 12:26 Nga D.S
Moska ngre padi prej 230 miliardë dollarësh kundër Euroclear
Banka Qëndrore në Rusi

RUSI-  Banka qendrore e Rusisë ka ngritur një padi në Moskë duke kërkuar 230 miliardë dollarë dëmshpërblim nga Euroclear , duke shënuar hapin e parë në atë që Kremlini e ka paralajmëruar se do të jetë një makth ligjor për BE-në lidhur me planet e saj për të përdorur asetet e ngrira ruse për të mbështetur Ukrainën. Bashkimi Evropian dëshiron të përdorë asetet e bankës qendrore ruse me vlerë gati 210 miliardë euro , të ngrira në Evropë që nga pushtimi i Ukrainës nga Moska në vitin 2022, për të mbështetur një kredi për nevojat ushtarake dhe civile të Kievit në vitet 2026 dhe 2027.

Udhëheqësit e BE-së ranë dakord të premten të ngrijnë asetet për një kohë të pacaktuar duke argumentuar se duhet të mbështesin Ukrainën sepse nuk duan që Moska një ditë të sulmojë NATO-n - diçka që Rusia e mohon se planifikon ta bëjë. Ekspertët ligjorë presin që Gjykata Tregtare e Moskës të nxjerrë një vendim të shpejtë kundër Euroclear, kujdestarit me seli në Belgjikë që mban shumicën e aseteve. Gjykata tha se mori ankesën e bankës qendrore më 12 dhjetor, duke kërkuar 18.2 trilionë rubla - vlera e plotë e aseteve shtetërore të ngrira të Rusisë.

Sipas mediave të huaja, nëse banka qendrore fiton, ajo mund të kërkojë zbatimin e vendimit kundër aseteve të Euroclear në juridiksione të tjera, kryesisht në juridiksione të konsideruara "miqësore" nga Rusia. Euroclear nuk iu përgjigj menjëherë një kërkese për koment./Dosja.al

rusi euroclear banka qendrore

Sondazh

Poll

MË SHUMË