Bota

SHBA e ashpër! Sekuestron tanker nafte pranë Venezuelës, vendos sanksione ndaj kompanive dhe lidhjeve të Maduro-s

Sipas mediave të huaja, dyshohet se ishte përfshirë në një "rrjet të paligjshëm të transportit të naftës" që mbështeste vende si Venezuela dhe Irani.

12 Dhjetor 2025, 08:37 Nga D.S
SHBA e ashpër! Sekuestron tanker nafte pranë Venezuelës, vendos
Foto ilustruese

VENEZUELA- Venezuela është vendi ku ndodhet sasia më e madhe e njohur e naftës bruto në planet , por sanksionet ndërkombëtare dhe një krizë e thellë ekonomike e kanë dëmtuar industrinë e naftës në vend. Të mërkurën, personeli i armatosur amerikan,  sekuestroi një anije cisternë nafte në ujërat ndërkombëtare pranë brigjeve të Venezuelës. Sipas mediave të huaja, dyshohet se ishte përfshirë në një "rrjet të paligjshëm të transportit të naftës" që mbështeste vende si Venezuela dhe Irani.

SHBA-të kanë njoftuar sanksione të reja ndaj kompanive të transportit detar dhe anijeve që sipas tyre, ndihmojnë në transportimin e naftës venezueliane, duke ushtruar më shumë presion mbi një nga mbështetëset kryesore të regjimit të Presidentit Nicolas Maduro, një ditë pasi sekuestroi një tanker të sanksionuar që me shumë gjasa transportonte naftë me vlerë miliona dollarësh në brigjet e vendit.

Tre nipër të gruas së Maduros, si dhe një biznesmen tjetër i lidhur me Maduron u përmendën gjithashtu në listën e sanksioneve të publikuar të enjten nga Thesari i SHBA-së. Dy nga nipërit e sanksionuar ishin dënuar më parë për akuza për trafik droge në SHBA përpara se të liroheshin në një shkëmbim të burgosurish. Sipas Thesarit, gjashtë anijet ishin të përfshira në “praktika mashtruese dhe të pasigurta të transportit detar” që i siguronin burime financiare qeverisë së Maduros. Katër nga anijet lundrojnë me flamur të Panamasë. Dy të tjerat janë me flamur të Ishujve Kuk dhe Hong Kongut.

Një analist i lartë i naftës në firmën e inteligjencës tregtare Kpler, Muyu Xu, tha për CNN se sekuestrimi i cisternës dhe sanksionet e fundit ndaj kompanive dhe anijeve të akuzuara për ndihmë në transportimin e naftës venezueliane mund të sjellin pasiguri në këto operacione./Dosja.al

shba venezuela transport detar

Sondazh

Poll

MË SHUMË