Bota

A është e pashmangshme rënia e Pokrovskut, fortesës kryesore lindore të Ukrainës?

Pokrovsk është një qendër e madhe për industrinë e minierave të qymyrit në Ukrainë, dhe uzinat e mëdha metalurgjike në Ukrainën qendrore varen nga qymyri i koksit që prodhon ai

11 Dhjetor 2025, 10:22 Nga D.S
A është e pashmangshme rënia e Pokrovskut, fortesës kryesore
Anëtarët e njësisë policore të cilët evakuojnë njerëzit zonat në vijën e frontit

UKRAINË- Një fortesë kyçe dhe qendër logjistike për forcat ukrainase në rajonin lindor të Donbasit, Pokrovsk, ka qenë nën rrethim për gati dy vjet. Por në javët e fundit, dhjetëra mijëra ushtarë rusë kanë sulmuar qytetin pa ndërprerje, duke marrë kontrollin e rrugëve ku ndërtesat janë kryesisht të shkatërruara dhe të braktisura nga bombardimet.

Ata përdorin dronë zbulues dhe imazhe satelitore për të identifikuar boshllëqet në mbrojtjen ukrainase dhe përdorin grupe të vogla ushtarësh që sulmohen dhe vriten në masë nga dronët ukrainas. Por ushtarët e mbijetuar ecin përpara, duke synuar operatorët e dronëve dhe duke i angazhuar ata në luftime të afërta si dhe duke hapur rrugën për grupe më të mëdha ushtarakësh. Moska dëshiron të nxisë marrjen e Pokrovskut për shkak të motit të përkeqësuar, rrugëve me baltë dhe mungesës së gjetheve të pemëve që i bën lëvizjet e trupave më të dallueshme.

A është marrja e kontrollit e afërt?

Nikolay Mitrokhin, një studiues në Universitetin e Bremenit të Gjermanisë, tha për median ndërkombëtare Al Jazeera se forcat ukrainase kanë kaq pak ushtarë në vijën e frontit saqë ishte e mundur të përmbahej përparimi i Rusisë. Sapo ushtarët rusë infiltruan qytetin, ata nuk hasën pothuajse asnjë rezistencë sepse ukrainasit janë shumë pak dhe dronët e tyre janë më pak efektivë midis ndërtesave. Ndër të tjera tha gjithashtu se pushtimi i qytetit është çështje kohe. 

Pse Rusia e dëshiron kaq shumë Pokrovskun?

 Moska dëshiron ta përdorë qytetin si një trampolinë për marrjen e pjesës së Donbasit të kontrolluar nga Kievi, një rajon kyç i “rripit të ndryshkur”, aneksimin e të cilit Rusia e shpalli në mënyrë të njëanshme në shtator 2022. Kievi ende kontrollon 1/3 e Donbasit, dhe rënia e Pokrovskut do të hapë rrugën për marrjen nën kontroll të pjesëve të tjera të “rripit të fortifikimeve” të Ukrainës që janë fortifikuar që nga viti 2014. Lartësitë komanduese të qytetit do t'u lejojnë gjithashtu forcave ruse të përdorin tufa dronësh për të mbështetur përparimin e tyre drejt perëndimit, drejt rajonit të Dniepros. Rënia e Pokrovskut do të ishte një triumf i madh propagandistik për Moskën, edhe pse fitorja do të ketë kushtuar dhjetëra mijëra jetë.

Si do të ndikohen bisedimet e paqes?

Për Rusinë, marrja e Pokrovskut do të thoshte që vija e frontit është e paqëndrueshme dhe Moska do të përpiqej ta bindte Uashingtonin, ku Presidenti i SHBA-ve, Donald Trump, ka kërkuar bisedime paqeje prej muajsh. Uashingtoni dhe Kievi duan të pezullojnë armiqësitë përgjatë vijës aktuale të frontit, e cila shtrihet më shumë se 1,000 km dhe të fillojnë negociatat se kush do të mbajë cilin territor pas kësaj.

Cilat janë pasojat ekonomike nëse Pokrovsk bie në duart e Rusisë?

Pokrovsk është një qendër e madhe për industrinë e minierave të qymyrit në Ukrainë, dhe uzinat e mëdha metalurgjike në Ukrainën qendrore varen nga qymyri i koksit që prodhon ai. Sipas Pavel Lisyansky, kreu i Institutit të Kërkimeve Strategjike dhe Sigurisë me seli në Kiev, marrja nën kontroll e qytetit mund të nxisë përpjekjet e fundit të Kremlinit për të modifikuar fabrikat e Donbasit për prodhimin e armatimeve dhe artikujve ushtarakë. Pokrovsk ndodhet gjithashtu në kryqëzimin e disa autostradave dhe hekurudhave strategjike./Dosja.al 

ukraine konflikti rusi-ukraine rusi shba

Sondazh

Poll

MË SHUMË