Bota

"BE vazhdon të blejë naftë nga Rusia!" Vjen reagimi i parë i Zelenskyt pas "shpërthimit" të Trump: Mirënjohës për çdo udhëheqës dhe mbështetës të Ukrainës

Zelensky tha në postimin e tij se pati një bisedë të përbashkët me kryeministrat e Kroacisë dhe Luksemburgut, të cilët i informoi për “punën tonë diplomatike mbi propozimin amerikan dhe takimet në Gjenevë”.

23 Nëntor 2025, 18:08 Nga M.L
"BE vazhdon të blejë naftë nga Rusia!" Vjen reagimi i
Volodymyr Zelensky

UKRAINA- Menjëherë pas sulmit të Donald Trump ndaj Volodymyr Zelensky dhe udhëheqësve evropianë me postimin e tij, presidenti ukrainas, përmes një postimi të ri në X, falënderoi udhëheqësit evropianë për mbështetjen e tyre për Ukrainën.

Zelensky tha në postimin e tij se pati një bisedë të përbashkët me kryeministrat e Kroacisë dhe Luksemburgut, të cilët i informoi për “punën tonë diplomatike mbi propozimin amerikan dhe takimet në Gjenevë”.

“Ne presim një rezultat që do të hapë rrugën për një paqe të vërtetë dhe të qëndrueshme”, vuri në dukje ai.

Në të njëjtën kohë, ai shprehu “mirënjohjen e tij për çdo udhëheqës dhe për të gjithë ata në mbarë botën që mbështesin Ukrainën dhe parimet që ne mbrojmë”.

Ndërsa në Gjenevë po zhvillohen bisedime mbi planin 28-pikësh të SHBA-së për Ukrainën, Donald Trump ka nisur një sulm ndaj Volodymyr Zelensky dhe evropianëve në një postim në Twitter.

"Asnjë mirënjohje për përpjekjet tona nga 'udhëheqja' e Ukrainës", shkroi presidenti amerikan në Truth, duke vënë në dukje se Evropa vazhdon të blejë naftë nga Rusia.

volodymyr zelensky gjeneve donald trump lufta ukraine-rusi

Sondazh

Poll

MË SHUMË