Sport

Një punonjës i Federatës Belge fluturoi urgjentisht për në Kazakistan, për t’i çuar mesfushorit Onana këpucët e golit, numër 47!...

Mesfushori i “Djajve të Kuq” luajti kundër Kazakistanit (1-1) për pak pa këpucë të përshtatshme.

18 Nëntor 2025, 13:30 Nga DOSJA

Një punonjës i Federatës Belge fluturoi urgjentisht për

BELGJIKE - Mesfushori belg, Amadou Onana, luajti pa këpucë të përshtatshme në ndeshjen e “Djajve të Kuq” kundër Kazakistanit (1-1). Një punonjës i Federatës Belge u detyrua të fluturonte urgjentisht për në Astana për të sjellë këpucët e tij të numrit 47.

Episodi u zbulua këtë të martë nga gazeta 'Nieuwsblad', e cila shpjegon se lojtari i Aston Villës kishte porositur një pale këpucë speciale për të luajtur në bar artificial.

Por, në kohën kur ekspedita e “Djajve të Kuq” u nis për në Kazakistan, lojtari nuk i kishte marrë këpucët dhe bëri një porosi të dytë të destinuar për hotelin në Astana, ku do të qëndronte kombëtarja belge.

Gjithsesi Federata Belge i kërkoi njërit prej punonjësve të saj, Miguel Capilla, të merrte avionin e parë për në Kazakistan sapo të mbërrinin këpucët që i përshtateshin lojtarit, ndërsa anëtarët e tjerë të delegacionit kërkuan më kot për këpucë të ngjashme me madhësinë 47 në kryeqytetin kazakistanas.

Më në fund, punonjësi i federatës mori një aeroplan me këpucët speciale dhe mbërriti në hotel të shtunën në mëngjes, disa orë para ndeshjes, në të njëjtën kohë kur mbërriti urgjent në hotel edhe një palë të dytë këpucësh.

Goli i barazimit 1-1 i shënuar nga Onana (40’) lejoi Belgjikës të luante në ndeshjen një hap larg kualifikimit për Kupën e Botës, e cila mund të sigurohet nëse ata e mposhtin Lihtenshtajnin këtë të martë. 

B.T (Dosja.al)

Sondazh

Poll

MË SHUMË