Sport

De la Fuente dëshiron të vazhdojë rekordin pa humbje te Spanja: "Këta lojtarë nuk lodhen kurrë së fituari"…

Trajneri i Spanjës, Luis de la Fuente, deklaroi në një konferencë për shtyp të hënën se dëshiron të zgjasë rekordin e ekipit të tij prej 30 ndeshjesh pa humbje. ‘La Roja’, kryesuese e Grupit E, do të përballet me rivalët e tyre më të afërt, Turqinë, të martën (ora 20:45) për ndeshjen e gjashtë dhe të fundit të kualifikueseve të Kupës së Botës 2026.

18 Nëntor 2025, 09:00 Nga DOSJA

De la Fuente dëshiron të vazhdojë rekordin pa humbje te Spanja:

SPANJE - Luis de la Fuente, trajneri i Spanjës, në konferencën për shtyp për ndeshjen kundër Turqisë (e martë, ora 20:45) dhe rekordin e Spanjës pa humbje, ndërmjet të tjerash u shpreh: 

"Po i afrohemi kësaj ndeshjeje  (kundër Turqisë) me një ndjenjë të jashtëzakonshme përgjegjësie dhe për disa arsye. Për prestigjin dhe për të treguar atë që kemi arritur deri më tani. Ne jemi numri 1 në botë dhe duam të qëndrojmë atje, dhe të qëndrojmë atje me autoritet.

Është një përgjegjësi dhe një angazhim ndaj tifozëve tanë. Edhe pse kualifikimi është praktikisht i garantuar, ne duam të vazhdojmë të fitojmë. Duam të vazhdojmë të garojmë.

Gjithashtu synojmë të arrijmë 31 ndeshje pa humbje. Ky ekip ka shumë arsye për të dashur të vazhdojë të fitojë. Por mbi të gjitha, arsyeja më e rëndësishme është karakteri i këtyre lojtarëve. Ata nuk lodhen kurrë së fituari”.

B.T (Dosja.al)

Sondazh

Poll

MË SHUMË