Aktualitet

VIDEO/ Vrasja e pronarit grek dhe mikut të tij shqiptar/ Policia kontrollon bizneset e viktimës, i cili punësoi autorin 22-vjeçar me qëllim që...

Mediat greke shkruajnë se oficerët e policisë po kontrollojnë lokalet për të identifikuar prova, të cilat mund të hedhin më shumë dritë mbi krimin.

17 Nëntor 2025, 14:51 Nga E.d
VIDEO/ Vrasja e pronarit grek dhe mikut të tij shqiptar/ Policia kontrollon
Foto ilustruse

GREQI- Policia greke ka vijuar hetimet për vrasjen e pronarit grek dhe mikut të tij shqiptar, ngjarje e cila ndodhi më 5 tetor në Finikounda të Greqisë. Këtë herë policia ka zhvilluar një kontroll në dyqanet e pronarit, i cili kishte punësuar autorin 22-vjeçar. I riu i punësuar nga pronari grek është arrestuar nga policia, pasi dyshohet se është autori i ngjarjes së rëndë. 

Bashkë me autorin është arrestuar edhe bashkëpunëtori i tij, një greko-britanik, po 22-vjeçar. Mediat greke shkruajnë se oficerët e policisë po kontrollojnë lokalet për të identifikuar prova, të cilat mund të hedhin më shumë dritë mbi krimin. Në të njëjtën kohë, shtëpia dhe kampingu i viktimës po kontrollohen përsëri me urdhër të një hetuesi.

Si ndodhi vrasja e dyfishtë në kamping? 

Vrasja ndodhi mbrëmjen e 5 tetorit në një kamping në Finikounda, kur autori, pasi kishte mbuluar fytyrën, hyri me forcë në recepsionin ku ndodhej pronari 68-vjeçar me kujdestarin e tij 60-vjeçar dhe mikun e tij të vjetër.  Personi i armatosur qëlloi me gjakftohtësi pronarin, duke e plagosur për vdekje, dhe më pas vrau mikun e tij, i cili u përpoq të arratisej. Në vrasjen e dyfishtë ishte i pranishëm edhe nipi i pronarit, i cili arriti të arratisej./ Dosja.al

greqi shqiptar vrasje

Sondazh

Poll

MË SHUMË