Aktualitet

Ktheu lokalin në Kombinat "fole" të lojërave të fatit! Kishte punësuar 15-vjeçarin si kamarier dhe organizues, bie në prangat e bluve pronari

Sipas njoftimit të bluve, efektivët zbuluan gjithashtu se në biznesin e tij ishte punësuar në mënyrë të paligjshme një 15-vjeçar si kamarier, i cili vendoste bastet sportive për llogari të pronarit.

10 Nëntor 2025, 11:56 Nga M.L
Ktheu lokalin në Kombinat "fole" të lojërave të
Foto ilustruese

TIRANA- Policia e Tiranës arrestoi sot një 37-vjeçar me iniciale A. L., i cili kishte përshtatur lokalin e tij në zonën e Kombinatit për të organizuar lojëra fati. Sipas njoftimit të bluve, efektivët zbuluan gjithashtu se në biznesin e tij ishte punësuar në mënyrë të paligjshme një 15-vjeçar si kamarier, i cili vendoste bastet sportive për llogari të pronarit.

Sakaq i mituri po hetohet në gjendje të lirë, si edhe janë sekuestruar 2 celularë dhe një kompjuter nëpërmjet të cilëve luheshin lojërat e fatit.

NJOFTIMI I PLOTË:

Tiranë/Finalizohet operacioni policor i koduar “The game”.

Kishte punësuar ilegalisht, në lokalin e tij në “Kombinat”, një të mitur, si kamerier dhe organizues të lojërave të fatit, arrestohet 37-vjeçari.

Vihet në hetim i mituri.

Sekuestrohen 2 celularë dhe 1 kompjuter, nëpërmjet të cilëve luheshin lojërat.

Si rezultat i administrimit të menjëhershëm të informacioneve të siguruara në rrugë operative, se një shtetas kishte përshtatur lokalin e tij, në "Kombinat", për organizim të kundërligjshëm të lojërave të fatit, specialistët e Seksionit për Hetimin e Krimeve Kibernetike, në bashkëpunim me shërbimet e Forcës së Posaçme Operacionale dhe me shërbimet e Forcës së Posaçme “Shqiponja”, finalizuan operacionin “The game”.

Në kuadër të operacionit u arrestua në flagrancë shtetasi A. L., 37 vjeç, banues në Tiranë, dhe nisi procedimi në gjendje të lirë për një 15-vjeçar.

Nga verifikimet rezultoi se i mituri ishte punësuar ilegalisht, si kamerier, në lokalin në pronësi të shtetasit A. L.. Gjithashtu, i mituri vinte baste sportive dhe organizonte lojëra fati të tjera, për llogari të pronarit të subjektit.

Materialet procedurale iu referuan Prokurorisë së Tiranës, për veprime të mëtejshme.

policia e tiranes kombinat lojera fati

Sondazh

Poll

MË SHUMË