Politike

“Po intimidohen votuesit”/ Reagon policia pas ankesës së kandidatit të 'Shqipëria Bëhet' në Cërrik: Nuk janë konstatuar persona të paautorizuar në afërsi të qendrave të votimit

Policia e Shtetit ka reaguar menjëherë duke përgënjeshtruar këto pretendime. Në një njoftim zyrtar, Policia bën të ditur se pas verifikimeve në terren, nuk janë konstatuar persona apo grumbullime të paautorizuara pranë qendrave të votimit.

9 Nëntor 2025, 16:00 Nga M.L

“Po intimidohen votuesit”/ Reagon policia pas ankesës së

CËRRIK-  Procesi i votimit në Bashkinë e Cërrikut po zhvillohet pa problematika. Ndërkohë, kandidati Eligert Hima ka ngritur pretendime se në disa qendra votimi të Cërrikut po qëndrojnë persona të paautorizuar që, sipas tij, përpiqen të intimidojnë votuesit.

Policia e Shtetit ka reaguar menjëherë duke përgënjeshtruar këto pretendime. Në një njoftim zyrtar, Policia bën të ditur se pas verifikimeve në terren, nuk janë konstatuar persona apo grumbullime të paautorizuara pranë qendrave të votimit.

Njoftimi i policisë:

Nga verifikimet e kryera, nuk janë konstatuar shtetas në afërsi, apo pranë gjimnazit “Tomorr Sinani” në qytetin e Cërrikut. Gjithashtu, nuk ka patur persona të paautorizuar të grumbulluar jashtë Qendrave të Votimit dhe nuk është konstatuar asnjë problematikë. Drejtoria Vendore e Policisë Elbasan mbetet plotësisht e angazhuar për të garantuar rendin, qetësinë dhe mbarëvajtjen e procesit zgjedhor, si dhe për të verifikuar me përgjegjësi çdo njoftim apo denoncim që mund të lidhet me këtë proces.

policia e shtetit bashkia e cerrikut zgjedhjet e pjesshme eligert hima

Sondazh

Poll

MË SHUMË