Politike

Rrëmbimi i serbit nga xhandarmëria e Serbisë në Leposaviç/ Reagon Osmani: Bota demokratike të ndalojë sulmet

Me anë të një postimi në Facebook, Osmani shkruan se qytetarët të cilët flasin të vërteta rreth presidentit serb Vuçiç, ndodh që të sulmohen pikërisht nga ana e serbëve. Lidhur me këtë, presidentja thekson nevojën për t’u ndaluar sulme të tilla nga ana e Serbisë për të parandaluar rreziqe të mëtejshme.

3 Nëntor 2025, 22:26 Nga E. D
Rrëmbimi i serbit nga xhandarmëria e Serbisë në
Vjosa Osmani

KOSOVË- Presidentja e Kosovës Vjosa Osmani ka reaguar lidhur me rastin e paraqitur sot në Policinë e Kosovës teksa u bë e ditur se një shtetas i Kosovës, i nacionalitetit serb, u plagos dhe u rrëmbye në Kosovë nga forcat serbe.

Me anë të një postimi në Facebook, Osmani shkruan se qytetarët të cilët flasin të vërteta rreth presidentit serb Vuçiç, ndodh që të sulmohen pikërisht nga ana e serbëve. Presidentja gjithashtu thekson nevojën për tu ndaluar sulme të tilla nga ana e Serbisë për të parandaluar rreziqe të mëtejshme.

"Serbia, e cila çdo ditë bën propagandë e dezinformata për të drejtat e serbëve në Kosovë, ka plagosur dhe më pas ka kidnapuar një qytetar serb të Kosovës. Kjo është edhe një dëshmi shtesë e qasjes së saj hegjemoniste, ku çdo qytetar që guxon të flasë të vërtetën rreth regjimit autokratik të Vuçiqit, sulmohet dhe torturohet në mënyrën më barbare të mundshme.

Bota demokratike duhet të reagojë e të ndalë këto sulme të Serbisë që kanë për qëllim rrezikimin e paqes e stabilitetit në rajonin tonë. Ndërkaq skena politike në Kosovë duhet të veprojë e flasë në një zë në mbrojtjen e Kosovës nga tendenca të tilla," tha Osmani./Dosja.al

vjosa osmani

Sondazh

Poll

MË SHUMË