Aktualitet

Vodhën biçikleta dhe motomjete elektrike në dy muajt e fundit, në pranga 18-vjeçari dhe i mituri në Tiranë

Njoftimi i bluve bën me dije se të rinjtë janë përfshirë në 9 raste vjedhjesh, ku mbi to rëndon vepra penale 'vjedhje' e kryer në bashkëpunim.

25 Tetor 2025, 14:32 Nga M.L
Vodhën biçikleta dhe motomjete elektrike në dy muajt e fundit,
Foto ilustruese

TIRANA- Policia e Tiranës ka vënë në pranga dy të rinj, një 18-vjeçar dhe një 16-vjeçar, të cilët dyshohen se janë autorë të nëntë vjedhjeve të biçikletave dhe motomjeteve elektrike të kryera gjatë muajve shtator dhe tetor. Njoftimi i bluve bën me dije se të rinjtë janë përfshirë në 9 raste vjedhjesh, ku mbi to rëndon vepra penale 'vjedhje' e kryer në bashkëpunim.

NJOFTIMI:

Specialistët për Hetimin e Krimeve të Komisariatit të Policisë Nr. 2, pas kallëzimeve të bëra nga disa qytetarë, për vjedhjen e biçikletave dhe monopatinave të tyre në lagje të ndryshme, organizuan dhe finalizuan operacionin policor të koduar “Mjetet”.

Si rezultat i veprimeve të shpejta hetimore, bazuar edhe në pamjet filmike, u bë e mundur zbardhja e 9 rasteve të vjedhjeve të biçikletave dhe motomjeteve elektrike, të kryera gjatë muajve shtator dhe tetor, nga shtetasi R. M., 18 vjeç, dhe një i mitur 16 vjeç, të cilët në përfundim të veprimeve procedurale u arrestuan për veprën penale “Vjedhja”, e kryer në bashkëpunim.

Vijojnë hetimet për zbardhjen e rasteve të tjera të vjedhjeve që mund të jenë kryer nga këta shtetas. Materialet procedurale i janë referuar Prokurorisë pranë Gjykatës së Shkallës së Parë Tiranë, për veprime të mëtejshme./ Dosja.al

Sondazh

Poll

MË SHUMË