Bota

Ironitë dhe kërcënimet e Putinit ndaj evropianëve dhe Ukrainës! Çfarë tha ai për raketat Tomahawk... dhe tualetet

Pasi e karakterizoi fillimisht këtë zhvillim si një "akt jo miqësor" që nuk do të ndikojë në ekonominë ruse, ai më pas u përqendrua në faktin se paketa e sanksioneve përfshin një ndalim të furnizimit të Rusisë me tualete, lavamanë dhe lloje të tjera të hidraulikës.

23 Tetor 2025, 19:24 Nga M.L
Ironitë dhe kërcënimet e Putinit ndaj evropianëve dhe
Vladimir Putin

RUSIA- Vladimir Putin ironikisht zgjodhi të mbante një qëndrim mbi paketën e re të sanksioneve (të 19-tën) të Bashkimit Evropian kundër Rusisë me rastin e luftës së vazhdueshme në Ukrainë. Pasi e karakterizoi fillimisht këtë zhvillim si një "akt jo miqësor" që nuk do të ndikojë në ekonominë ruse, ai më pas u përqendrua në faktin se paketa e sanksioneve përfshin një ndalim të furnizimit të Rusisë me tualete, lavamanë dhe lloje të tjera të hidraulikës.

"Kjo do t'u kushtojë shtrenjtë. Më duket se [tualetet] do t'u nevojiten atyre (evropianëve) në situatën në të cilën ndodhen dhe nëse ata vazhdojnë këtë politikë ndaj Federatës Ruse", tha presidenti rus.

Pastaj, duke komentuar deklaratat e bëra nga Volodymyr Zelensky nga Brukseli në lidhje me mundësinë e blerjes së raketave Tomahawk nga Ukraina , Putin foli për një përpjekje për "përshkallëzim serioz" që nuk do të mbetej pa përgjigje.

"Ky është një përpjekje për përshkallëzim. Por nëse armë të tilla përdoren për të goditur territorin rus, reagimi do të jetë shumë serioz, nëse jo dërrmues. Le të mendojnë për këtë", tha presidenti rus.

Putini gjithashtu mbështeti vazhdimin e "dialogut", pasi homologu i tij amerikan Donald Trump njoftoi shtyrjen e takimit të tyre të planifikuar në Budapest. 

"Dialogu është gjithmonë i preferueshëm ndaj përballjes, mosmarrëveshjeve dhe sidomos ndaj luftës", tha Putin./ Dosja.al

vladimir putin

Sondazh

Poll

MË SHUMË