Sport

Pas bojkotit, trajneri i Guinesë Juan Micha del i pafajshëm dhe kthehet në detyrë…

Pesëmbëdhjetë ditë pas pezullimit të tij, teksa ekipi refuzoi për të udhëtuar me aeroplan çarter për në Malavi për të luajtur një ndeshje kualifikuese të Kupës së Botës 2026, trajneri i Guinesë Ekuatoriale, Juan Micha, më në fund është konfirmuar në pozicionin e tij.

23 Tetor 2025, 09:30 Nga DOSJA

Pas bojkotit, trajneri i Guinesë Juan Micha del i pafajshëm dhe

GUINE - Trajneri i Guinesë Ekuatoriale, Juan Micha Obiang, i cili u pezullua në fillim të tetorit pas anulimit të një ndeshjeje kualifikuese afrikane për Kupën e Botës 2026, u rikthye në detyrë të martën, njoftoi qeveria.

Trajneri 50-vjeçar u pezullua, pasi ekipi kombëtar i Guinesë Ekuatoriale refuzoi të merrte një fluturim çarter për në Malavi në shenjë proteste për kushtet e udhëtimit të tij. Anulimi i ndeshjes rezultoi në humbjen e tre pikëve dhe një gjobë prej disa milionë frangash CFA (disa mijëra euro) për qeverinë e Guinesë Ekuatoriale.

Pas një takimi në Pallatin Presidencial midis qeverisë dhe përfaqësuesve të Federatës (Feguifut), sanksioni u hoq, por Juan Micha Obiang, i cili do të ketë "liri të plotë për të formësuar përbërjen e ekipeve për garat e ardhshme", iu kërkua të zgjidhte lojtarë të  disiplinuar dhe të vendoste interesat e vendit në radhë të parë", tha qeveria në një deklaratë.

Sipas tekstit, Juan Micha Obiang “është personi ideal për të udhëhequr ekipin gjatë Kupës së Kombeve të Afrikës në Marok 2025, e cila fillon më 21 dhjetor”,  pavarësisht “konflikteve të fundit të brendshme brenda ekipit me disa lojtarë”, për të cilat ai kërkoi falje.

B,T (Dosja.al)

Sondazh

Poll

MË SHUMË