Politike

Komisioni i Reformës Zgjedhore/ PS-PD dakordësi për përbërjen, nga një anëtar PSD dhe Mundësia

Mësohet se ky komision do të ketë gjithsej 16 anëtarë, ku do të ndahen 8 anëtarë maxhoranca si dhe 8 anëtarë opozita. 

22 Tetor 2025, 12:02 Nga I.A
Komisioni i Reformës Zgjedhore/ PS-PD dakordësi për
Kuvendi

TIRANË- Dy partitë kryesore në Kuvend, Partia Socialiste dhe Partia Demokratike, kanë rënë dakord për përbërjen e Komisionit të Reformës Zgjedhore. Mësohet se ky komision do të ketë gjithsej 16 anëtarë, ku do të ndahen 8 anëtarë maxhoranca si dhe 8 anëtarë opozita. 

Ndërkohë që në këtë komision do të kenë anëtarë dhe partitë e vogla. Një anëtar do të ketë PSD-ja, që do ta marrë nga maxhoranca. Ndërsa Opozita, do t'i jap një anëtar dhe partisë Mundësia të Agron Shehajt. Partitë e tjera që do të kenë anëtarë nga opozita janë Partia e Lirisë me 1 si dhe Partia Republikane me 1 anëtar. 

Pa anëtarë në këtë komision kanë mbetur 2 partitë e tjera të reja në Kuvend, që janë Lëvizja Bashkë e Arlind Qorit si dhe Shqipëria Bëhet e Adriatik Lapajt.

Ngritja e këtij Komisioni pritet që të marrë 'Ok' në seancën plenare të javës së ardhshme. Ky komision do të bashkëdrejtohet nga dy kryetar (PS dhe PD), që do të kenë të drejtë vetoje./Dosja.al

komisioni i reformës zgjedhore

Sondazh

Poll

MË SHUMË