Aktualitet

Ish-deputetja e PD-së, Zheni Gjergji emërohet Drejtoreshë e Spitalit të Elbasanit: Nuk ishte zgjedhje e lehtë politike

Lajmin e ka konfirmuar vetë Gjergji me anë të një postimi në Facebook, ku thotë se nuk ishte nje zgjedhje e lehtë politike, por një vendim thellësisht profesional dhe njerëzor.

21 Tetor 2025, 10:29 Nga E. D
Ish-deputetja e PD-së, Zheni Gjergji emërohet Drejtoreshë e
Zheni Bebi Gjergji

ELBASAN- Ish-deputetja e Partisë Demokratike, Zheni Bebi Gjergji është emëruar Drejtoreshë e Spitalit në Elbasan. Lajmin e ka konfirmuar vetë Gjergji me anë të një postimi në Facebook, ku thotë se nuk ishte nje zgjedhje e lehtë politike, por një vendim thellësisht profesional dhe njerëzor. Gjergji në postimin e saj nënvizon gjithashtu se pavarësisht angazhimit të saj të mëparshëm politik, në radhë të parë thotë se “është mjeke”.

Postimi:

Të nderuar qytetarë të Elbasanit, Sot kam pranuar me përgjegjësi dhe përulësi detyrën si Drejtoreshë e Spitalit Rajonal “ Dr. Xhaferr Kongoli” Elbasan. Kjo nuk ishte një zgjedhje e lehtë politike, por një vendim thellësisht profesional dhe njerëzor.

Pavarësisht angazhimit tim të mëparshëm politik, unë kam qenë dhe mbetem mjeke. Profesioni im është thirrje, jo pozicion. Kam zgjedhur të jem aty ku mund të jap më shumë për shëndetin e njerëzve, për komunitetin tim, për qytetin që dua.

Elbasani është qyteti im, vendi ku jam rritur dhe ku kam ndërtuar identitetin tim profesional. Të jem në krye të institucionit më të rëndësishëm shëndetësor të këtij qyteti është për mua një nder, por mbi të gjitha një sfidë që kërkon përkushtim, dije dhe ndershmëri.

Shëndetësia ka nevojë për njerëz që e njohin sistemin, që ndjejnë barrën e përgjegjësisë dhe që janë të gatshëm të punojnë me përkushtim, përtej bindjeve dhe kornizave politike. Faleminderit për besimin. Angazhimi im do të jetë çdo ditë në shërbim të pacientit, stafit mjekësor dhe dinjitetit të kujdesit shëndetësor./Dosja.al

zheni bebi gjergji

Sondazh

Poll

MË SHUMË