Aktualitet

Bllokimi i mjeteve elektrike, aktivisti publikon dokumentat: Policia e Shtetit nxorri urdhër para se të miratohej dhe publikohej udhëzimi

Me anë të një postimi në Facebook, Sejrani ka publikuar dokumentet se kur është dhënë urdhëri për bllokimin dhe kur është miratuar në Fletoren Zyrtare.

20 Tetor 2025, 15:22 Nga E. D
Bllokimi i mjeteve elektrike, aktivisti publikon dokumentat: Policia e
foto ilustruese

TIRANË- Aktivisti Gentian Sejrani ka publikuar urdhërin për bllokimin e mjeteve elektrike, ku vihet re se ai ende nuk ekzistonte ligjërisht. Me anë të një postimi në Facebook, Sejrani ka publikuar dokumentet se kur është dhënë urdhëri për bllokimin dhe kur është miratuar në Fletoren Zyrtare.

Sipas dokumentave të publikuara, udhëzimi i Ministres për bllokimin e monopatinave është miratuar në të njëjtën ditë që qytetarëve po u bllokoheshin mjetet dhe është publikuar në Fletoren Zyrtare pas 4 ditësh. Pra, drejtori i Policisë së Shtetit ka nxjerrë urdhër për bllokim plot 4 ditë para se të miratohej udhëzimi dhe 8 ditë para se të publikohe. 

Postimi:

Prej ditës së parë kemi thënë se bllokimi i mjeteve elektrike ishte i paligjshëm. Tani kemi edhe faktet: Udhëzimi i Ministres për bllokimin e monopatinave është miratuar më 13.10.2025, pra të njëjtën ditë që qytetarëve po u bllokoheshin mjetet.

Udhëzimi është publikuar në Fletoren Zyrtare më 17.10.2025, pra pas 4 ditësh. Vetë Udhëzimi urdhëron Policinë e Shtetit të marrë masa për zbatimin e tij.

Por ja ironia:
Drejtori i Policisë së Shtetit kishte nxjerrë urdhër për bllokim që më 09.10.2025, plot 4 ditë para se të miratohej udhëzimi dhe 8 ditë para se të publikohej! Pra, policia “zbatoi” një akt që ende nuk ekzistonte ligjërisht./Dosja.al

gentian sejrani

Sondazh

Poll

MË SHUMË