Aktualitet

Përndjekje, mosbindje ndaj efektivëve të policisë dhe drejtim mjeti në gjendje të dehur, arrestohen disa persona në Tiranë

Në kuadër të kësaj policia ka arrestuar disa persona, të cilët drejtonin makiën në gjendje të dehur dhe një person tjetër i cili nuk i është bindur efektivëve të policisë për të lëvizur automjetin të cilin e kishte parkuar në mënyrë të parregullt.

19 Tetor 2025, 11:03 Nga E.d
Përndjekje, mosbindje ndaj efektivëve të policisë dhe
Foto ilustruse

TIRANË- Polica ka arrestuar disa persona të cilët kanë thyer rregullat e qarkullit rrugor. Në kuadër të kësaj policia ka arrestuar disa persona, të cilët drejtonin makiën në gjendje të dehur dhe një person tjetër i cili nuk i është bindur efektivëve të policisë për të lëvizur automjetin të cilin e kishte parkuar në mënyrë të parregullt. Gjithashtu forcat blu kanë arrestuar edhe një 62-vjeçar , pasi dyshohet se përndjekur një 53-vjeçare.

“Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasit:
-D. D, pasi ditën e djeshme, ka futur disa lëndë piroteknike në stadium;
-K. S, për veprën penale “Ndërtim i Paligjshëm”
-D. B, pasi për motive të dobëta ka goditur shtetasin A. N.

Specialistët për Hetimin e Krimeve të Komisariatit të Policisë Nr. 3 referuan materialet në Prokurori, ku nisi procedimi në gjendje të lirë për shtetasin E. K, pasi nuk i është bindur urdhërit të punonjësit të policisë për të lëvizur automjetin të cilin e kishte parkuar në mënyrë të parregullt.

Specialistët për Hetimin e Krimeve të Komisariatit të Policisë Nr. 4 arrestuan shtetasin A. Sh., 62 vjeç, pasi dyshohet se përndjekur një 53-vjeçare.

Specialistët për Hetimin e Krimeve të Komisariatit të Policisë Nr. 5 shpallën në kërkim shtetasin N. T., 34 vjeç, pasi për motive të dobëta ka goditur me grushte shtetasin S. K. Punohet për shoqërimin e tij.

Specialistët e qarkullimit rrugor arrestuan shtetasit A. M., 55 vjeç, A. A., 23 vjeç dhe O. B., 28 vjeç, pasi u kapën duke drejtuar automjetet në gjendje të dehur.

Më datë 18.10.2025, shtetasja E. S, kallëzoi se persona të paidentifikuar i kanë ndërhyrë në rrjetin social të djalit të saj. Punohet për identifikimin e autorit të dyshuar dhe sqarimin e rrethanave të rastit.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftimin e policisë.” njofton polica./Dosja.al

tiranë arrestohen mosbindje

Sondazh

Poll

MË SHUMË