Sport

Kombëtarja i le vendin Superiores…

FSHF përcakton kalendarin për 5 javët e ardhshme

16 Tetor 2025, 18:00 Nga DOSJA

Kombëtarja i le vendin Superiores…

TIRANE - Pas ndeshjeve të kombëtares, skuadrat e “Abissnet Superiores” do të zbresin sërish në fushën e lojës.

Komisioni i Garave në Federatën Shqiptare të Futbollit ka përcaktuar kalendarin e ndeshjeve të javëve në vazhdim, më konkretisht nga java e 7-të deri në të 11-tën.

Në kalendarin e përcaktuar nga FSHF rezulton se ndeshjet e javës së 7 do të luhen në dy ditë, në datat 18 dhe 19 tetor. Kështu më 18 tetor do të luhen Bylis-Vllaznia dhe Tirana-Teuta, ndërsa një ditë më pas janë rezervuar sfidat Egnatia-Dinamo, Elbasani-Vora dhe Flamurtari-Partizani

Java e 8-të është përcaktuar të luhet më 24 dhe me 25 tetor; në 24 tetor janë sfidat Vora-Dinamo, Vllaznia-Tirana dhe Elbasani-Bylis, ndërsa në 25 tetor do të luhen dy ndeshjet e tjera të kësaj jave: Partizani-Egnatia dhe Teuta-Flamurtari.

Ndërkaq, ndeshjet e javës së 9-të do të luhen në mesjavën e 28-29 tetorit. Në 28 tetor do të luhen Bylis-Vora, Egnatia-Teuta, ndërsa një ditë më pas do të zhvillohen ndeshjet Flamurtari-Vllaznia, Tirana-Elbasani dhe Dinamo-Partizani.

Në javën e 10-të që do të luhen në 2 dhe 3 nëntor janë rezervuar sfidat: Tirana-Bylis,  Dinamo City -Teuta, Flamurtari-Elbasani, Vora-Partizani dhe Egnatia-Vllaznia.

Edhe ndeshjet e javës së 11-të janë ndarë në dy ditë në 8 dhe 9 nëntor. Kështu në 8 nëntor do të luhen Tirana-Vora dhe Vllaznia-Dinamo, ndërsa në 9 nëntor janë përcaktuar sfidat Bylis-Flamurtari, Teuta-Partizani dhe Elbasani-Egnatia.

B.T (Dosja.al)

Sondazh

Poll

MË SHUMË