Bota

Mijëra izraelitë mblidhen në Tel Aviv në prag të lirimit të pengjeve nga Hamasi/ Falënderime për Trump dhe fërshëllima për Netanyahun

Marrëveshja midis palëve ndërluftuese bazohet në një plan prej njëzet pikash të shpallur në fund të shtatorit nga Presidenti i SHBA-së Trump. Ai parashikon lirimin nga lëvizja islamiste palestineze deri në mesditën e nesërme të 48 pengjeve të mbetura, të gjallë ose të vdekur, të cilët u rrëmbyen gjatë bastisjes së paprecedentë të Hamasit në Izraelin jugor më 7 tetor 2023, e cila shkaktoi luftën.

12 Tetor 2025, 08:46 Nga E. D
Mijëra izraelitë mblidhen në Tel Aviv në prag të
foto ilustruese

IZRAEL- Hamasi njoftoi se do të fillojë lirimin e pengjeve izraelite në Gaza nesër, siç përcaktohet në kushtet e marrëveshjes. Në Rripin e Gazës, i cili ka pësuar shkatërrime të mëdha gjatë dy viteve të luftës, Mbrojtja Civile njoftoi të shtunën se më shumë se 500,000 njerëz që ishin zhvendosur ishin kthyer në pjesën veriore të enklavës që kur armëpushimi filloi të zbatohej pardje të premten.

Marrëveshja midis palëve ndërluftuese bazohet në një plan prej njëzet pikash të shpallur në fund të shtatorit nga Presidenti i SHBA-së Trump. Ai parashikon lirimin nga lëvizja islamiste palestineze deri në mesditën e nesërme të 48 pengjeve të mbetura, të gjallë ose të vdekur, të cilët u rrëmbyen gjatë bastisjes së paprecedentë të Hamasit në Izraelin jugor më 7 tetor 2023, e cila shkaktoi luftën.

Në këmbim, Izraeli pritet të lirojë 250 të burgosur, përfshirë individë të dënuar për sulme vdekjeprurëse kundër izraelitëve, si dhe 1,700 palestinezë të tjerë të kapur nga ushtria izraelite në Rripin e Gazës pas shpërthimit të luftës. Ndërkohë qindra mijëra njerëz kanë mbajtur një tubim në Tel Aviv, përpara lirimit të pritur të pengjeve izraelite nga Hamasi. 

Duke iu drejtuar turmave, i dërguari special i SHBA-së, Steve Witkoff, tha se pengjet po kthehen në shtëpi dhe vlerësoi Donald Trump për bërjen e mundur të një armëpushimi në Gaza dhe një marrëveshjeje për kthimin e pengjeve. Shumë në turmë bërtitën "Faleminderit, Trump!", por edhe fishkëllyen kur Ëitkoff përmendi kryeministrin izraelit Benjamin Netanyahu.

Gjithashtu Trump pritet të vizitojë Izraelin ditën e sotme përpara se të shkojë në Egjipt. Vajza e tij Ivanka dhe dhëndri Jared Kushner mbajtën gjithashtu një fjalim në tubimin në Tel Aviv ditën e djeshme.

Sipas marrëveshjes së armëpushimit dhe lirimit të pengjeve të njoftuar të enjten, Hamasit iu dhanë 72 orë - deri në orën 12:00 sipas orës lokale të ditës së hënë, për të liruar të 48 pengjet që mban ende pas dy vitesh lufte, 20 prej të cilëve supozohet se janë gjallë.

Në të gjithë Rripin e Gazës, ekipet e shpëtimit vazhdojnë të kërkojnë trupa në rrënoja, pas tërheqjes së elementëve të ushtrisë izraelite pas vijave të dakorduara, ndërsa qindra mijëra qytetarë të saj kthehen në pjesën veriore të enklavës, ku shpesh nuk gjejnë asgjë tjetër përveç rrënojave aty ku dikur ishin shtëpitë e tyre./Dosja.al

tel aviv izrael

Sondazh

Poll

MË SHUMË