Politike

Rama shpall sekret shpenzimet e tij/ Berisha: Ky akt shkel Kushtetutën! Po vepron njësoj si diktatori Enver Hoxha

Gjatë një konference për mediat, Kryedemokrati tha se Rama kërkon të kthej në një sekret shtetëror shenzimet e tij, gjë e cila sipas tij vetëm ish-dikatori Hoxha e ka bërë.

10 Tetor 2025, 12:42 Nga E.d
Rama shpall sekret shpenzimet e tij/ Berisha: Ky akt shkel Kushtetutën! Po
Sali Berisha

TIRANË- Kreu i Partisë Demokratike, Sali Berisha ka akuzuar Kryeministrin Rama se ka shpenzuar 23 milionë euro udhëtime me çarter, përgjatë dy viteve. Gjatë një konference për mediat, Kryedemokrati tha se Rama kërkon të kthej në një sekret shtetëror shenzimet e tij, gjë e cila sipas tij vetëm ish-dikatori Hoxha e ka bërë.

Sipas Berishës akti i sekretimit të shpenzimeve bie ndesh me Kushtetutën. Në fund Berisha i bëri apel qytetarëve të ngrihen në protestë, kundër Ramës, të cilin ai e quan "flamurtar të vjedhjeve".

"Ramaduro vendos të sekretojë shpenzimet e tij. Të shndërrojë në sekret shtetëror shpenzimet, të cilat i bën me paratë e taksapaguesve shqiptarë. Ky akt ka precedent në Shqipëri vetëm diktatorin Enver Hoxha. Ky akt ka paralel në botë Kim Jong-unin dhe Maduron e Venezuelës. Ky akt shpall, zyrtarizon, ligjëron vjedhjen, shpërdorimin nga një hajdut- ose hajduti më i madh i këtij kombi në 113 vite. Ky akt i sekretimit të shpenzimeve bie ndesh me Kushtetutën, me ligjet themelore të vendit. Njeriu që hap shishe Romanee Conti 33 mijë euro në drekat e tij, kërkon tani të sekretojë shpenzimet. Njeriu që ka shpenzuar në dy vite 23 milionë euro udhëtime me çarter, 141 udhëtime me çarter për pushime, për vakanca, për konferenca, tani kalon në një akt tjetër që nuk ekziston në asnjë vend tjetër përveç Koresë së Veriut dhe Venezuelës.

Edi Rama u thotë shqiptarëve: do t’u vjedh dhe ju të mos merrni vesh. Por ky shtet, në vitin 2009, në emër të transparencës, të mbrojtjes të parave të taksapaguesve shqiptarë, ka vendosur shpenzimet e thesarit online.
Dhe kjo ka qenë në kuadrin e një nisme botërore të luftës kundër korrupsionit. Ky sistem i bën të mundur çdo qytetari të kontrollojë çdo qindarkë që shpenzohet nga taksat e tij të nesërmen e shpenzimit. Edi Rama vendos të sekretojë shpenzimet e tij vetëm e vetëm për të mbuluar vjedhjet e veta dhe familjare të taksave të qytetarëve shqiptarë. Ky është një apel dhe një kushtrim për çdo qytetar shqiptar të ngrihen kundër flamurtarit të vjedhjes në të gjithë historinë e shtetit shqiptar," tha Berisha./Dosja.al

pd sali berisha edi rama

Sondazh

Poll

MË SHUMË