Politike

Kuvendi u mbyll pa debat/ Bardhi: Ka rënë shteti, PS kërkon asgjësimin e Kuvendit

Sipas Bardhit, PS po përpiqet të asgjësojë rolin e Parlamentit dhe t’u mohojë deputetëve të drejtën e fjalës.

9 Tetor 2025, 12:49 Nga I.A
Kuvendi u mbyll pa debat/ Bardhi: Ka rënë shteti, PS kërkon
Gazment Bardhi

TIRANË- Kryetari i grupit parlamentar të Partisë Demokratike Gazment Bardhi ka deklaruar se Partia Socialiste po tenton që të asgjësojë Kuvendin. Bardhi, e cilësoi vendimin për mbylljen e seancës plenare si një shkelje të rëndë të Kushtetutës dhe Rregullores së Kuvendit.

Sipas Bardhit, PS po përpiqet të asgjësojë rolin e Parlamentit dhe t’u mohojë deputetëve të drejtën e fjalës. 

Postimi i Plotë:

E paprecedentë kjo që po ndodh në Kuvend, ku PS kërkon të asgjësojë Parlamentin. E drejta e fjalës është thelbësore në një Parlament funksional. Nëse hidhet në erë Kushtetuta dhe Rregullorja e Kuvendit vetëm sepse deputetët ushtrojnë të drejtën e fjalës, duke mbyllur Kuvendin dhe duke mos lejuar debat, praktikisht ka rënë shteti sepse organi kyç kushtetues ka dalë jashtë funksioni. Kurrë në histori nuk ka ndodhur që një mazhorancë që ka 83 deputetë, i ikën debatit dhe e trajton grupin e vet parlamentar si memec dhe karton-ngritës. Frika e mazhorancës ndaj debatit parlamentar, tregon edhe cilësinë e qeverisjes. S'kanë ide, s'kanë bilanc, prandaj nuk duan debat.

gazment bardhi

Sondazh

Poll

MË SHUMË