Sport

Lajme të këqija nga Leskovci në prag të ndeshjes Serbi-Shqipëri!

6 Tetor 2025, 00:12 Nga DOSJA
Lajme të këqija nga Leskovci në prag të ndeshjes

SERBI - Klubi i qytetit të Leskovcit GFK Duboçica edhe pse me një stadium modern të ndërtuar në vitin 2023 duket se ka probleme serioze mbijetese. Në këtë fundjavë ky klub nëpërmjet një komunikate për shtyp thekson se ndodhet në prag falimenti:

Deklarata e Klubit GFK Duboçica:

“Fatkeqësisht, që nga qershori, skuadra nuk ka marrë asnjë pagë. Pavarësisht situatës së vështirë financiare, lojtarët tanë tregojnë përkushtim, profesionalizëm dhe besim të jashtëzakonshëm në klub çdo ditë. Lufta e tyre në fushë, në kushtet në të cilat ndodhemi aktualisht, meriton gjithë respektin.

Qyteti i Leskovcit (ku nënkuptohet Bashkia që e ka klubin në varësi) i ka përmbushur detyrimet e tij ndaj klubit dhe ne jemi sinqerisht mirënjohës për këtë, por fondet që marrim nuk janë të mjaftueshme për të garuar as në Ligën e Parë të Serbisë. Klubi vepron në kufijtë e mbijetesës dhe pavarësisht kësaj ne përpiqemi të luajmë çdo ndeshje me dinjitet dhe në frymën e lojës së ndershme,” – vijon mes të tjerash deklarata publike e klubit.

Kujtojmë që Serbia dhe Shqipëria do të zhvillojnë ndeshjen e tyre ndoshta më kryesore të këtye Eliminatoreve të Botërorit në Leskovc në stadiumin Duboçiça më 11 tetor.

B.T (Dosja.al)

Sondazh

Poll

MË SHUMË