Politike

Shkarkimi i Veliajt nga detyra e kryebashkiakut të Tiranës/ Vendimi firmoset nga vetë kryeministri Rama

Vendimi është marrë pas propozimi të Këshillit Bashkiak të Tiranës, i cili më 23 shtator 2025 ka miratuar unanimisht shkarkimin e Veliajt.

25 Shtator 2025, 17:56 Nga DOSJA
Shkarkimi i Veliajt nga detyra e kryebashkiakut të Tiranës/ Vendimi
Erion Veliaj

TIRANË- Këshilli i Ministrave ka shkarkuar sot nga detyra e kryebashkiakut të Tiranës, Erion Veliajn. Ky vendim është firmosur vetë nga Kryeministri Edi Rama, ndryshe nga rastet e mëparshme, ku vendimet e qeverisë janë nënshkruar në mungesë të tij nga zëvendëskryeministrja.  Vendimi është marrë pas propozimi të Këshillit Bashkiak të Tiranës, i cili më 23 shtator 2025 ka miratuar unanimisht shkarkimin e Veliajt.

“V E N D I M PËR SHKARKIMIN NGA DETYRA TË KRYETARIT TË BASHKISË TIRANË, Z. ERION VELIAJ

Në mbështetje të nenit 100 të Kushtetutës dhe të shkronjës “c”, të nenit 62, të ligjit nr.139/2015, “Për vetëqeverisjen vendore”, të ndryshuar, me propozimin e ministrit të Shtetit për Pushtetin Vendor, Këshilli i Ministrave

V E N D O S I:

Z.Erion Veliaj, kryetar i Bashkisë Tiranë, shkarkohet nga kjo detyrë, me propozimin e Këshillit Bashkiak Tiranë, miratuar me vendimin nr.69, datë 23.9.2025.

Ky vendim hyn në fuqi pas botimit në “Fletoren zyrtare”.

erion veliaj edi rama

Sondazh

Poll

MË SHUMË