Aktualitet

Plagosja e 37-vjeçarit në Vlorë/ Policia jep detaje: Qëlloi veten, hodhi armën brenda një mjeti

Blutë bëjnë me dije se 37-vjeçari është vetëplagosur me armë zjarri pistoletë, në ambientet e jashtme të një lokali, në lagjen “10 Korriku”.

22 Shtator 2025, 17:52 Nga E. D
Plagosja e 37-vjeçarit në Vlorë/ Policia jep detaje:
arma

VLORË- Policia e Vlorës ka dhënë detaje lidhur me plagosjen e 37-vjeçarit, Skerdi Mehmetaj mbasditen e sotme.  Blutë bëjnë me dije se 37-vjeçari është vetëplagosur me armë zjarri pistoletë, në ambientet e jashtme të një lokali, në lagjen “10 Korriku”.

Gjithashtu në cilësinë e provës materiale u sekuestrua edhe arma e zjarrit (pistoletë), e cila dyshohet se është hedhur nga Skerdi Mehmetaj brenda një automjeti, pas ngjarjes. Ndërkohë po vijojnë veprimet hetimore për sqarimin e plotë të rrethanave dhe dokumentimin e plotë ligjor të rastit.

Njoftimi i Policisë: 

Vlorë/Informacion shtesë
Në vijim të informacionit paraprak të dhënë më herët, lidhur me shtetasin S. M., 37 vjeç, banues në Selenicë, i cili mbërriti sot në spitalin e Vlorës për ndihmë mjekësore pasi ishte plagosur me armë zjarri, nga verifikimet e shpejta hetimore dyshohet se 37-vjeçari është vetëplagosur me armë zjarri pistoletë, në ambientet e jashtme të një lokali, në lagjen “10 Korriku”.

Në cilësinë e provës materiale u sekuestrua edhe arma e zjarrit (pistoletë), e cila dyshohet se është hedhur nga shtetasi S. M, brenda një automjeti, pas ngjarjes. Vijojnë veprimet hetimore për sqarimin e plotë të rrethanave dhe dokumentimin e plotë ligjor të rastit.

policia e vlorës

Sondazh

Poll

MË SHUMË