Sport

Sergio Busquets pritet të t’i japë lamtumirën, pas sezonit të tij me Inter Miami...

Sipas Cadena Cope, Sergio Busquets pritet të dalë në pension në fund të sezonit të tij me Inter Miami, në nëntor ose dhjetor, varësisht nga performanca e klubit në Major League Soccer. Spanjoli do t'i jepte fund një karriere profesionale 17-vjeçare.

22 Shtator 2025, 08:00 Nga DOSJA

Sergio Busquets pritet të t’i japë lamtumirën, pas sezonit

Sergio Busquets ka luajtur për Inter Miamin që nga viti 2023

SHBA - Një faqe në historinë e futbollit evropian është gati të kthehet. Sipas informacioneve nga "Cadena Cope", Sergio Busquets pritet të tërhiqet në fund të sezonit të Inter Miami, i cili do të përfundojë në nëntor ose dhjetor në varësi të performancës së klubit nga Florida në MLS.

Sipas mediave spanjolle, mesfushori pritet ta njoftojë këtë nëpërmjet një videoje në rrjetet e tij sociale, pikërisht ashtu siç bëri kur u largua nga FC Barcelona në vitin 2023.

Busquets (37 vjeç) e kaloi pjesën më të madhe të karrierës së tij te FC Barcelona, ku u stërvit dhe bëri debutimin e tij profesional. Në pesëmbëdhjetë vjet në Katalonjë, ai luajti 722 ndeshje dhe fitoi 9 tituj La Liga, 7 tituj Copa del Rey, 7 Superkupa Spanjole, 3 Kupa Bote për Klube dhe 3 Liga Kampionësh (2009, 2011 dhe 2015).

Më pas ai u largua nga Spanja për në SHBA, ku iu bashkua disa ish-shokëve të ekipit si Lionel Messi, Jordi Alba dhe Luis Suarez. Me Spanjën (143 ndeshje, lojtari i 3-të me më shumë ndeshje), ai ishte kampion bote në vitin 2010 dhe kampion evropian në vitin 2012.

B.T (Dosja.al)