Sport

VIDEO / Arbër Hoxha shënon kundër ekipit të shokut të kombëtares Pajaziti!

Sulmuesi i Kombëtares shqiptare shënoi një gol spektakolar për Dinamo Zagrebin në përballjen e vështirë në transfertë ndaj Hajduk Splitit.

21 Shtator 2025, 00:37 Nga DOSJA
VIDEO / Arbër Hoxha shënon kundër ekipit të shokut të

KROACI - Arbër Hoxha ka lënë gjurmë në një nga ndeshjet më të zjarrta të kampionatit kroat. Sulmuesi i Kombëtares shqiptare shënoi një gol spektakolar për Dinamo Zagrebin në përballjen e vështirë në transfertë ndaj Hajduk Splitit.

Moment i artë erdhi në minutën e 44-t, kur Hoxha mori topin në mesfushën e vet dhe nisi një sprint të pandalshëm. Asnjë nga mbrojtësit vendas nuk mundi ta frenonte, derisa ai lëshoi një goditje të fuqishme nga jashtë zonës. Topi përfundoi drejt e në rrjetë, duke ndezur festën e tifozëve mysafirë në “Poljud”.

Derbi mes Hajdukut dhe Dinamos është tradicionalisht një nga ndeshjet më të tensionuara dhe të ndjekura në Kroaci. Aktivizuar titullar nga trajneri, Hoxha i shpërbleu besimin me një realizim që mund të konsiderohet ndër më të bukurit e këtij sezoni në ligë. Ky gol i rrit më tej reputacionin e tij, duke e konfirmuar si një nga lojtarët më në formë dhe më vendimtarë të Dinamos në kampionatin kroat.

Në pjesën e dytë, në minutën e 80-të, Bakrar vulosi fitoren 0-2 për Dinamo Zagreb, me një goditje potente. Dinamo Zagreb fiton ndaj rivalit kryesor për titull dhe tani kryeson me 16 pikë, 3 pikë më shumë se Hajduk Split i vendit të dytë. Për Hajdukun, luajti titullar fantazisti i Shqipërisë, Adrion Pajaziti.

B.T (Dosja.al)

Sondazh

Poll

MË SHUMË