Politike

Berisha e quan Begajn vasal të Ramës: Shpalli ministër një avatar

Berisha tha se një akt i tillë është në kundërshtim me Kushtetutën e Shqipërisë dhe një shkelje e papranueshme.

18 Shtator 2025, 21:16 Nga I.A
Berisha e quan Begajn vasal të Ramës: Shpalli ministër një
Sali Berisha

TIRANË- Kreu i Partisë Demokratike Sali Berisha ka reaguar ashpër ndaj dekretit të presidentit për emërimin e ministres virtuale Diella. I ftuar në emisionin Opinion në Tv Klan, Berisha tha se një akt i tillë është në kundërshtim me Kushtetutën e Shqipërisë dhe një shkelje e papranueshme.

“U paraqiti në Parlament ministre virtuale të cilën asnjë kushtetutë e botës nuk e njeh. Por në Kushtetutën e Shqipërisë, Këshilli i Ministrave, kryeministri dhe ministrat, janë elementë të saj. Të Kushtetutës. Tani të pretendosh se me dëshirën, nuk dua të prish gojën, dhe me paturpësinë, e papërgjegjshmërinë e një presidenti, vasal, i turpshëm që vë firmë, shpall ministër një avatar,” tha Berisha.

sali berisha

Sondazh

Poll