Politike

Mesazhi i DASH/ Berisha: Ne do faktojmë në mënyrën më të fuqishme lidhjet e karteleve shqiptare me qeverinë

Berisha citoi edhe mesazhin e DASH ku thuhej se përfaqësuesit e trafiqeve shqiptare shkojnë e negociojnë, mbajnë lidhje me bandat terroriste dhe kartele terroriste të Amerikës Latine.

16 Shtator 2025, 14:42 Nga E. D
Mesazhi i DASH/ Berisha: Ne do faktojmë në mënyrën më
Sali Berisha

TIRANË- Kreu i Partisë Demokratike Sali Berisha duke folur nga mbledhja e Grupit Parlamentar theksoi se PD do të faktojë në mënyrën më të fuqishme lidhjet e karteleve shqiptare me qeverinë. Berisha citoi edhe mesazhin e DASH ku thuhej se përfaqësuesit e trafiqeve shqiptare shkojnë e negociojnë, mbajnë lidhje me bandat terroriste dhe kartele terroriste të Amerikës Latine.

"Ne do luftojmë shumë për rikthimin e standarteve. Është një betejë e vështirë, betejë me të cilën natyrisht makineria dizinformuese e Diellës është e pakufishme, por ne do qëndrojmë për të vërtetën me besimin më të madh se ajo do triumfojë. Me besimin më të madh se, ne nuk po mbrojmë vetëm interesat e qytetarëve shqiptarë, por në qëndrimin tonë të fuqishëm ndaj narkoshtetit, ne po mbrojmë interesat e qytetarëve të rajonit, Europë dhe më gjerë.

Ju e dëgjuat mesazhin që erdhi nga Departamenti i Shtetit para 3 ditësh, mesazhi ishte shumë i qartë; përfaqësues e trafiqeve shqiptare shkojnë e negociojnë, mbajnë lidhje me bandat terroriste, kartelet terroriste të Amerikës Latine. Ju garantoj se ne do e faktojmë këtë në mënyrën më të fuqishme. Fatmirësisht çdo ditë vijnë lajme më direkte për rrezikshmërinë madhore të fondacionit ‘Soros’ në SHBA dhe botë. Dhe ne do qëndrojmë, kemi qëndruar dhe do qëndrojmë me të gjitha mundësitë tona ndaj ndikimeve. Ndikimeve të mbështetjes së narkoshtetit nga ky fondacion dhe ndikimeve ekstremiste të majta," tha Berisha.

sali berisha

Sondazh

Poll

MË SHUMË