Politike

Durrësi nën ujë/ PD nxjerr dokumentet: Ku kanë shkuar fondet miliona euro të dhëna ndër vite nga institucionet e BE-së?

Vangjeli kërkoi dorëheqjen e menjëhershme të kryetares së Bashkisë Durrës, Emirjana Sako, duke e akuzuar për menaxhim të dobët dhe shpërdorim të fondeve.

13 Shtator 2025, 10:50 Nga I.A
Durrësi nën ujë/ PD nxjerr dokumentet: Ku kanë shkuar fondet
Genta Vangjeli

TIRANË- Zëdhënësja e Antikorrupsionit në Partinë Demokratike, Genta Vangjeli, denoncoi përgjegjësinë e qeverisë dhe institucioneve lokale për përmbytjet katastrofale në Durrës, duke i cilësuar si rezultat i keqpërdorimit sistematik të fondeve publike.

Në një deklaratë për mediat, Vangjeli theksoi se, ndërsa qytetarët vuajnë dëmet e shkaktuara nga përmbytjet, miliona euro nga Bashkimi Europian dhe buxheti i shtetit janë përdorur për interesa të ngushta, përmes kompanive që lidhen me zyrtarë lokalë dhe pushtetin qendror. Vangjeli kërkoi dorëheqjen e menjëhershme të kryetares së Bashkisë Durrës, Emirjana Sako, duke e akuzuar për menaxhim të dobët dhe shpërdorim të fondeve.

Deklarata e Plotë:

Reshjet intensive të paralajmëruara këtë javë kanë sjellë një tjetër përmbytje të rëndë në qytetin e Durrësit, duke shkaktuar dëme të jashtëzakonshme për qytetarët.

Kjo situatë dëshmon edhe një herë dështimin sistematik të institucioneve për të garantuar siguri dhe infrastrukturë funksionale, pavarësisht premtimeve dhe fondeve të alokuara ndër vite.

Në këtë kontekst, dorëheqja e Ermal Dredhës është një hap i domosdoshëm, por jo i mjaftueshëm.

Kësaj përgjegjësie duhet t’i bashkohet edhe Emirjana Sako, e cila ka mbajtur detyrën e kryetares së bashkisë ndërkohë që qyteti ka vuajtur pasojat e menaxhimit të dobët të burimeve dhe fondeve publike.

Ndërkohë, kryeministri Edi Rama vijon të jetojë në një realitet paralel, ku vizioni për një port turistik në Durrës fshihet pas pamjeve të rënda të përmbytjeve, që janë realiteti i qytetarëve.

I kujtojmë publikut se fondet për përmirësimin e infrastrukturës kanë ekzistuar, por ato kanë përfunduar në xhepat e zyrtarëve të lidhur me pushtetin.

Nga një investigim i kryer prej nesh rezulton se në qendër të zbatimit të disa prej projekteve infrastrukturore ka qenë shoqëria Adriatik sh.p.k, në pronësi të familjes së ish-kreut të UKD, z. Spartak Kovaçi.

Disa nga projektet përkatëse përfshijnë:

Të dashur qytetarë, sa kohë Shqipëria do të përfaqësohet nga Edi Rama, përmbytjet dhe dështimet infrastrukturore nuk do të jenë përjashtim – por rregull.

Ftojmë institucionet përkatëse, të nisin një hetim të plotë dhe të paanshëm mbi keqpërdorimin e fondeve publike dhe konfliktet e interesit që kanë dëmtuar rëndë qytetarët e Durrësit dhe jo vetëm.

genta vangjeli

Sondazh

Poll

MË SHUMË