Sport

Donnarumma fluturon te Guardiola: arrihet marrëveshja midis Cityt dhe PSG-së për 40 milionë… pritet vetëm firma për zyrtarizimin

Portieri italian po përgatitet për një aventurë të re në Premier League: një kontratë pesëvjeçare. "Jam shumë i lumtur", tha ai pasi përfundoi vizitat mjekësore.

1 Shtator 2025, 17:30 Nga DOSJA

Donnarumma fluturon te Guardiola: arrihet marrëveshja midis Cityt dhe

ANGLI - Pep Guardiola është gati të mirëpresë Gigio Donnarumman te Manchester City. Klubi anglez ka arritur një marrëveshje me PSG-në me një vlerë afërsisht 40 milionë euro. PSG, me një çmim fillestar prej 50 milionë eurosh, fillimisht hodhi poshtë një ofertë prej 30 milionë eurosh: palët përfunduan në gjysmë të rrugës.

Kjo është marrëveshja e parë midis dy klubeve. "Jam i emocionuar me këtë aventurë të re", tha portieri ekskluzivisht për TMW pas vizitave mjekësore në Firence. Tani e tëra që mungon është firma dhe marrëveshja është zyrtare.

Portieri i kombëtares italiane, i liruar nga Luis Enrique pas një sezoni triumfues që e çoi klubin parizien në Ligën e Kampionëve, ka nënshkruar një kontratë pesëvjeçare me vlerë 12 milionë euro neto në vit. Drita jeshile për aventurën e Donnarummas në Premier League erdhi pasi PSG dhe Fenerbahçe arritën një marrëveshje për portierin brazilian Ederson, me vlerë 13 milionë euro plus 2 milionë euro bonuse.

Testet e tij mjekësore do të kryhen direkt në kampin stërvitor të kombëtares në Coverciano. "Premier League është liga që Gigio aspiron", tha agjenti i tij, Enzo Raiola, ekskluzivisht për Sportmediaset. Tani dëshira e tij është bërë realitet.

B.T (Dosja.al)

Sondazh

Poll

MË SHUMË