Sport

Testet mjekësore të Immobile, pas dëmtimit kundër Romës: dy muaj jashtë fushës…

Sulmuesi i Bolonjës u larguar nga fusha për shkak të dhimbjeve gjatë ndeshjes kundër Romës: buletini i klubit jep lajmin…

25 Gusht 2025, 17:43 Nga DOSJA
Testet mjekësore të Immobile, pas dëmtimit kundër

ITALI - Kthimi i Ciro Immobile në Olimpico dhe në Serie A nuk shkoi ashtu siç kishte shpresuar sulmuesi. Në ndeshjen e tij të parë në ligë për Bolognan, ai u detyrua të largohej në minutën e 30-të të pjesës së parë kundër Romës.

Ish-lojtari i Lazios la fushën me dhimbje të veçanta dhe shkoi direkt në dhomat e zhveshjes. Testet e ditëve të fundit kanë zbuluar një dëmtim në muskulin e tij të djathtë rectus femoris që do ta mbajë jashtë për dy muaj ose më shumë. 

Casale gjithashtu i dëmtuar:...

Edhe Casale, gjithashtu ish-lojtar i Lazios, nuk u rikthye në fushë në pjesën e dytë pas pushimit të ndeshjes në Olimpico kundër Romës. Vitik hyri në fushë në vend të tij. Mbrojtësi pësoi një këputje të lehtë të kofshës së pasme dhe do të mungojë për afërsisht një muaj .

Buletini mbi dëmtimet e lojtarëve të Bolognas…

Ky është buletini mjekësor i klubit, gjithashtu në lidhje edhe me dëmtimin e Casales: "Testet që iu nënshtruan Nicolò Casale dhe Ciro Immobile zbuluan, përkatësisht: një lezion të shkallës së ulët të bicepsit femoris të djathtë (koha e rikuperimit afërsisht 3-4 javë) dhe një lezion të rectus femoris të djathtë (koha e rikuperimit afërsisht 8 javë)". Deklarata e publikuar nga Bologna, rrëzoi faqen e internetit të klubit për shkak të trafikut të tepërt.

Dëmtimet e Casales dhe Immobile janë vetëm të fundit në një listë shumë të gjatë për ekipin e Italianos. Ata i bashkohen të dëmtuarve Holm, Bernardeschi dhe Ferguson.

B.T (Dosja.al)

Sondazh

Poll

MË SHUMË