Sport

Kvaratskhelia do të mungojë te PSG-ja kundër Angers… jashtë edhe Donnarumma!

PSG zbuloi këtë të premte listën e lojtarëve të thirrur nga Luis Enrique për sfidën ndaj Angers, këtë të premte (ora 20:45) për ditën e dytë të Ligue 1. Gjeorgjiani Kvaratskhelia, i cili ka një problem në kofshë, nuk është përfshirë.

22 Gusht 2025, 13:00 Nga DOSJA

Kvaratskhelia do të mungojë te PSG-ja kundër Angers…

FRANCE - Lojtari gjeorgjian nuk do të jetë në fushë në rikthimin e Paris Saint-Germain në fushën e tyre, Parc des Princes.

Klubi nga kryeqyteti zbuloi skuadrën e tij prej 21 lojtarësh të thirrur nga Luis Enrique këtë të premte për t'u përballur me Angers (ora 20:45) në javën e dytë të Ligue 1.  Khvitcha Kvaratskhelia nuk është përfshirë. Kjo është një masë paraprake, pasi ish-lojtari i Napolit është i penguar nga dhimbjet në kofshë.

Kimpembe, i cili mungoi tashmë në Nantes gjatë rifillimit të kampionatit, Mayulu, i dëmtuar në muskulin adduktor të kofshës së djathtë dhe Donnarumma, i cili pret një transferim, gjithashtu mungojnë në grupin parizien, ndërsa të pranishëm janë edhe profesionistët e rinj Noham Kamara dhe Joao Neves, i rikthyer nga pezullimi.

B.T (Dosja.al)

Sondazh

Poll

MË SHUMË