Sport

Dhe drejtori sportiv Manna jashtë Napolit, i është nënshtruar një ndërhyrje kirurgjikale!

Një tjetër dëmtim te Napoli. Por këtë herë nuk është një lojtar, por drejtori sportiv Giovanni Manna.

20 Gusht 2025, 14:30 Nga DOSJA

Dhe drejtori sportiv Manna jashtë Napolit, i është

ITALI - Nuk ka qetësi për klubin e De Laurentiis, i cili është tashmë i shqetësuar për dëmtimin e pësuar nga  Romelu Lukaku gjatë ndeshjes miqësore kundër Olympiakos, e cila ka të ngjarë ta lërë sulmuesin belg jashtë fushave për një kohë të gjatë.

Por edhe drejtori sportiv italian Giovanni Manna ka dëmtuar tendinin e Akilit gjatë një vrapimi, dhe tani i është nënshtruar një ndërhyrjeje kirurgjikale. 

Ndërhyrja kirurgjikale, e kryer nga Dr. Ugo Camilleri në Klinikën Ruesch, shkoi në mënyrë perfekte, me drejtorin sportiv të Napolit që do të dalë së shpejti nga spitali. Manna do të jetë në gjendje të udhëtojë me ekipin për në Reggio Emilia për ndeshjen e parë të sezonit, kur ekipi i Contes do të përballet me Sassuolon e sapongjitur në kategori (e shtunë, 23 gusht, ora 18:30). 

Ai do të jetë me paterica, por do të vazhdojë të punojë për të siguruar një sulmues për Conten sa më shpejt të jetë e mundur.

Drejtori sportiv i Napolit nuk u ndal as në spital, dhe sapo përfundoi operacioni, ai menjëherë u kthye në punë nga shtrati i tij, duke u përpjekur të përshpejtonte progresin e Azzurrëve, ndërsa afrohet mbyllja e merkatos dhe e transferimeve. 

B.T (Dosja.al)

Sondazh

Poll

MË SHUMË