Aktualitet

Aksidenti me një viktimë në aksin Shkodër-Lezhë, arrestohen dy persona

Të dy të arrestuarit mësohet se janë spitalin Rajonal të Shkodrës pasi nga aksidenti kanë marrë dëmtime.

19 Gusht 2025, 13:10 Nga N.F
Aksidenti me një viktimë në aksin Shkodër-Lezhë,
Aksidenti

SHKODËR-  Detaje të reja janë zbardhur në lidhje me aksidentin e rëndë të regjistruar mesditën e djeshme në Shkodër. Policia bën me dije se janë vënë në pranga dy persona në lidhje me ngjarjen tragjike. Mësohet se të arrestuarit janë 63-vjeçari me inicialet H. Sh dhe 22-vjeçarja me inicialet A.H. Të dy të arrestuarit mësohet se janë spitalin Rajonal të Shkodrës pasi nga aksidenti kanë marrë dëmtime.

Fatkeqësisht nga aksidenti nuk ka mundur të mbijetojë shoferi i një prej mjeteve të përfshira në ngjarje. Policia dje bëri me dije se kamioni fillimisht është përplasur me një mjet dhe më pas është përplasur edhe me një makinë tjetër. Ende nuk dihen shkaqet e aksidentit ndërsa kamioni është kthyer përmbys në rrugë dhe njëri mjet është coptuar.

"Në vijim të informacionit paraprak të dhënë dje, për aksidentin në aksin rrugor “Shkodër- Lezhë”, informojmë se specialistët e Sektorit të Qarkullimit Rrugor arrestuan për veprën penale “Shkelja e rregullave të qarkullimit rrugor”, me pasojë vdekjen, shtetasit H. Sh., 63 vjeç, dhe A. H., 22 vjeçe, të dy banues në Shkodër, të cilët aktualisht po marrin mjekim në Spitalin Rajonal Shkodër, pasi kanë pësuar dëmtime nga aksidenti,” thuhet në njoftimin e policisë.

aksidenti ne aksin shkoder-lezhe

Sondazh

Poll