Aktualitet

"16 zjarre janë shuar ndërsa 4 janë ende aktive", Ministria e Mbrojtjes: Disa vatra në Fushë Arrëz janë jashtë kontrollit!

Aktive mbeten dy vatra në fshatin Tërnovë në zonën e Liqenit të Zi dhe në Valikardhë. Atje po vijon ndërhyrja nga forcat zjarrfikëse, pyjore dhe bashkiake. 

18 Gusht 2025, 11:21 Nga N.F
"16 zjarre janë shuar ndërsa 4 janë ende aktive",
Foto

TIRANË- Ministria e Mbrojtjes ka dalë me një njoftim zyrtar në lidhje me situatën e zjarre në vend. Në njoftim bëhet me dije se janë evidentuar gjithsej 23 vatra zjarri në 24 orë. Ministria thekson se nga këto vatra 16 janë shuar dhe 4 janë ende aktive. 

Zjarret te Teqeja e Dushkut, Mali i Kushovës, Skrapar, Përmet, Gjuricaj, Shënavlash, Virjon, Memaliaj, Prekal, Mali Kolaj, Patos, Delvinë dhe Shushicë janë shuar. Aktive mbeten dy vatra në fshatin Tërnovë në zonën e Liqenit të Zi dhe në Valikardhë. Atje po vijon ndërhyrja nga forcat zjarrfikëse, pyjore dhe bashkiake. 

Në Fushë Arrëz në fshatrat Xeth, Kolumri dhe Trun janë disa vatra jashtë kontrollit, pasi edhe terreni është thyer e i vështirë. Në terren janë angazhuar strukturat vendore dhe 50 forca të Forcave të Armatosura me një mjet zjarrfikës.

"Fshatrat Damjan-Fortuzaj (Vaqarr) dhe Pezë Helmës: zjarret janë minimizuar, por mbahen nën mbikëqyrje.Fshati Ibë, njësia Bërzhitë: vatër në terren të vështirë, pa rrezik për banesa, nën vëzhgim të MZSH dhe APR. Bashkia Kolonjë, Parku Natyror i Gërmenjit: zjarri vijon të përhapet drejt kufirit, me angazhim të forcave zjarrfikëse, pyjore, të AdZM, bashkisë dhe 30 ushtarëve të repartit ushtarak të Drenovës. (Aktiv)

Bashkia Delvinë, Parku i Rëzomës, pranë tunelit të Skërficës: një vatër nën mbikëqyrje të strukturave vendore të mbrojtjes civile. Agjencia Kombëtare e Mbrojtjes Civile, në bashkëpunim me Forcat e Armatosura, shërbimet zjarrfikëse, strukturat vendore dhe banorët e zonave të prekura, po vijon punën për neutralizimin e plotë të vatrave të mbetura dhe për mbrojtjen e komuniteteve," thuhet më tej në njoftim.

zjarret ne vend ministia e mbrojtjes

Sondazh

Poll